kalima-e-tayyiba ka pahla lafz la

lā kī manzil manzil-e-dushvār hai pur-ḳhār hai

kufr se dāman chhuḌānā bhī baḌā āzār hai

tujh se mumkin ho to pahle lā kī manzil se guzar

pahle ġhairullāh se dāman chhuḌā o be-ḳhabar

us kī vahdat us kī yaktā.ī kā kalima baa'd meñ

pahle masnūī ḳhudāoñ se magar inkār kar

kufr ko Thokar lagātā hai jo lā kahtā hai tū

lā tū kahtā hai zabāñ se ruuh kartī hai vuzū

dil se saare ḳhauf lālach ko miTā detā hai lā

kufr ke aivān kī chūleñ hilā detā hai lā

lā vo Thokar hai ki jis se gir paḌe lāt-o-manāt

lā had-e-īmān hai lā raushnī lā hai hayāt

e'tirāf-e-jahl hai lā e'tirāf-e-gumrahī

lā se pahle bas añdherā lā subūt-e-āgahī

ḳhalq kā ḳhāliq se rabt-o-silsila hai harf-e-lā

ḳhair-o-shar ke ma.arke kī ibtidā hai harf-e-lā

la ki manzil manzil-e-dushwar hai pur-KHar hai

kufr se daman chhuDana bhi baDa aazar hai

tujh se mumkin ho to pahle la ki manzil se guzar

pahle ghairullah se daman chhuDa o be-KHabar

us ki wahdat us ki yaktai ka kalima ba'd mein

pahle masnui KHudaon se magar inkar kar

kufr ko Thokar lagata hai jo la kahta hai tu

la tu kahta hai zaban se ruh karti hai wuzu

dil se sare KHauf lalach ko miTa deta hai la

kufr ke aiwan ki chulen hila deta hai la

la wo Thokar hai ki jis se gir paDe lat-o-manat

la had-e-iman hai la raushni la hai hayat

e'tiraf-e-jahl hai la e'tiraf-e-gumrahi

la se pahle bas andhera la subut-e-agahi

KHalq ka KHaliq se rabt-o-silsila hai harf-e-la

KHair-o-shar ke marke ki ibtida hai harf-e-la