kalkatta

har sailānī ye kahtā hai

shahr anokhā kalkatta hai

bhārat kā har suube vaalā

is ke dāman meñ bastā hai

is ke fuTpāthoñ par har dam

logoñ kā relā chaltā hai

lambī chauḌī sab saḌkoñ par

caroñ kā dariyā bahtā hai

na.ī tramoñ kā ab chalnā

āñkhoñ ko achchhā lagtā hai

do do insāñ haiñ rikshe par

baar ye ik insāñ sahtā hai

ek hai metro railway jis se

vaqt safar kā bachtā hai

durgā puujā meñ kalkatta

jagmag jagmag kar uThtā hai

rosogulā mishTī doī

shaan nirālī hī rakhtā hai

machhlī se bañgālī bhaa.ī

mehmānoñ ko ḳhush kartā hai

josh bharā ye shahr hamesha

ik parcham thāme rahtā hai

dekh 'farāġh' apne sheroñ meñ

ab kalkatta bhī dikhtā hai

har sailani ye kahta hai

shahr anokha kalkatta hai

bhaarat ka har sube wala

is ke daman mein basta hai

is ke fuTpathon par har dam

logon ka rela chalta hai

lambi chauDi sab saDkon par

caron ka dariya bahta hai

nai tramon ka ab chalna

aankhon ko achchha lagta hai

do do insan hain rikshe par

bar ye ek insan sahta hai

ek hai metro railway jis se

waqt safar ka bachta hai

durga puja mein kalkatta

jagmag jagmag kar uThta hai

rosogula mishTi doi

shan nirali hi rakhta hai

machhli se bangali bhai

mehmanon ko KHush karta hai

josh bhara ye shahr hamesha

ek parcham thame rahta hai

dekh 'faragh' apne sheron mein

ab kalkatta bhi dikhta hai