kashti

yaqīn maano

ki merī āñkhoñ ke ḳhushk tannūr se

vo chashma ubalne vaalā hai

jis kā paanī

bahā ke le jā.egā ye sab kuchh

zarā bhī ḳhushkī kahīñ na hogī

ki jis pe koī qadam jamā le

kahīñ bhī jā-e-amāñ na hogī

jahāñ pe chhup jaa.e koī aur jaan baḳhshvā le

to sab ye e’’lān-e-ām sun leñ

vo sab jo us vaqt mujh pe hañste the

jab maiñ yādoñ ke joḌoñ ko jam' kar rahā thā

vo sab suneñ

ki zindagī bas rahegī us kī

jo merī kashtī meñ saath hogā

ki maiñ

jo ḳhvāboñ kī ek kashtī banā rahā thā

vo aaj tayyār ho ga.ī hai

yaqin mano

ki meri aankhon ke KHushk tannur se

wo chashma ubalne wala hai

jis ka pani

baha ke le jaega ye sab kuchh

zara bhi KHushki kahin na hogi

ki jis pe koi qadam jama le

kahin bhi ja-e-aman na hogi

jahan pe chhup jae koi aur jaan baKHshwa le

to sab ye e’’lan-e-am sun len

wo sab jo us waqt mujh pe hanste the

jab main yaadon ke joDon ko jam' kar raha tha

wo sab sunen

ki zindagi bas rahegi us ki

jo meri kashti mein sath hoga

ki main

jo KHwabon ki ek kashti bana raha tha

wo aaj tayyar ho gai hai