kaTh-putli ne paude lagae

āñgan meñ

kaTh-putlī ne paude lagā.e

is meñ nikle phuul

rang birange

uude piile

niile laal gulābī

rangoñ kī varshā se jaage

us ke ghar kā āñgan

paa.el kī ho chhan chhan

gamloñ kā bāzār lagā hai

ghar dekho phūloñ se sajā hai

guDDū raajā apne haath se

kaliyoñ ko yuuñ toḌeñ moḌeñ

phuul meñ baaqī jaan na chhoḌeñ

kaTh-putlī jab chain gañvā.e

aur vo bachchoñ par jhunjhlā.e

chuuñ chuuñ chuuñ chuuñ kartī jaa.e

ḳhud ro.e auroñ ko rulā.e

har pattī par aañsū Tapkeñ

chupke chupke

jaise motī

kaahe ko ye motī role

dekho kyā kaTh-putlī bole

aangan mein

kaTh-putli ne paude lagae

is mein nikle phul

rang birange

ude pile

nile lal gulabi

rangon ki warsha se jage

us ke ghar ka aangan

pael ki ho chhan chhan

gamlon ka bazar laga hai

ghar dekho phulon se saja hai

guDDu raja apne hath se

kaliyon ko yun toDen moDen

phul mein baqi jaan na chhoDen

kaTh-putli jab chain ganwae

aur wo bachchon par jhunjhlae

chun chun chun chun karti jae

KHud roe auron ko rulae

har patti par aansu Tapken

chupke chupke

jaise moti

kahe ko ye moti role

dekho kya kaTh-putli bole