kaun hai tu

saaya merā mujh ko dekh ke bhāge hai

phir bhī mere saath rahe hai

kaun hai tū

abhī qurbat hī ziist kā baa.is hai

phir bhī tujh se Dar hī lage hai

kaun hai tū

tujh ko dekh ke pyaar se dil bhar aa.e kabhī

duuje lamhe dil larze hai

kaun hai tū

tere man kī bāteñ man kī bāteñ haiñ

phir bhī man kī baat na samjhe

kaun hai tū

raaz kī saarī bāteñ tujh se kar luuñ maiñ

phir bhī jī kā haal chhupā.ūñ

kaun hai tū

sharm se sar jhuk jaa.e jab bhī aa.e tū

phir bhī dil ke paas rahe hai

kaun hai tū

terī sāñsoñ kā mausam hī mausam hai

ġhairoñ kā mausam hī lage hai

kaun hai tū

tujh ko dekh ke lab ḳhushk ho jaa.eñ kabhī

bāteñ karne ko dil tarse hai

kaun hai tū

jhuk ke jab bhī dekhūñ apnī lagtī hai

phir bhī mujh se duur rahe hai

kaun hai tū

saya mera mujh ko dekh ke bhage hai

phir bhi mere sath rahe hai

kaun hai tu

abhi qurbat hi zist ka bais hai

phir bhi tujh se Dar hi lage hai

kaun hai tu

tujh ko dekh ke pyar se dil bhar aae kabhi

duje lamhe dil larze hai

kaun hai tu

tere man ki baaten man ki baaten hain

phir bhi man ki baat na samjhe

kaun hai tu

raaz ki sari baaten tujh se kar lun main

phir bhi ji ka haal chhupaun

kaun hai tu

sharm se sar jhuk jae jab bhi aae tu

phir bhi dil ke pas rahe hai

kaun hai tu

teri sanson ka mausam hi mausam hai

ghairon ka mausam hi lage hai

kaun hai tu

tujh ko dekh ke lab KHushk ho jaen kabhi

baaten karne ko dil tarse hai

kaun hai tu

jhuk ke jab bhi dekhun apni lagti hai

phir bhi mujh se dur rahe hai

kaun hai tu