KHak-e-hind

Chakbast Brij Narayan

KHak-e-hind

Chakbast Brij Narayan

MORE BYChakbast Brij Narayan

    ai ḳhāk-e-hind terī azmat meñ kyā gumāñ hai

    dariya-e-faiz-e-qudarat tere liye ravāñ hai

    tere jabīñ se nūr-e-husn-e-azal ayaañ hai

    allāh-re zeb-o-zīnat kyā auj-e-izz-o-shāñ hai

    har sub.h hai ye ḳhidmat ḳhurshīd-e-pur-ziyā

    kirnoñ se gūñdhtā hai choTī himāliyā

    is ḳhāk-e-dil-nashīñ se chashme hue vo jaarī

    chiin o arab meñ jin se hotī thī ābiyārī

    saare jahāñ pe jab thā vahshat abr taarī

    chashm-o-charāġh-e-ālam thī sar-zamīñ hamārī

    sham-e-adab na thī jab yūnāñ anjuman meñ

    tābāñ thā mahr-e-dānish is vādī-e-kuhan meñ

    'gautum' ne aabrū is ma.abad-e-kuhan ko

    'sarmad' ne is zamīñ par sadqe kiyā vatan ko

    'akbar' ne jām-e-ulfat baḳhshā is anjuman ko

    sīñchā lahū se apne 'rānā' ne is chaman ko

    sab sūrbīr apne is ḳhaak meñ nihāñ haiñ

    TuuTe hue khañDar haiñ un haDDiyāñ haiñ

    dīvār-o-dar se ab tak un asar ayaañ hai

    apnī ragoñ meñ ab tak un lahū ravāñ hai

    ab tak asar meñ Duubī nāqūs fuġhāñ hai

    firdaus-e-gosh ab tak kaifiyyat-e-azāñ hai

    kashmīr se ayaañ hai jannat rañg ab tak

    shaukat se bah rahā hai dariyā-e-gañg ab tak

    aglī tāzgī hai phūloñ meñ aur phaloñ meñ

    karte haiñ raqs ab tak tā.ūs jañgaloñ meñ

    ab tak vahī kaḌak hai bijlī bādaloñ meñ

    pastī aa ga.ī hai par dil ke hausloñ meñ

    gul sham-e-anjuman hai go anjuman vahī hai

    hubb-e-vatan vahī hai ḳhāk-e-vatan vahī hai

    barsoñ se ho rahā hai barham samāñ hamārā

    duniyā se miT rahā hai nām-o-nishāñ hamārā

    kuchh kam nahīñ ajal se ḳhvāb-e-girāñ hamārā

    ik lāsh-e-be-kafan hai hindostān hamārā

    ilm-o-kamāl o īmāñ barbād ho rahe haiñ

    aish-o-tarab ke bande ġhaflat meñ so rahe haiñ

    ai sūr-e-hubb-e-qaumī is ḳhvāb se jagā de

    bhūlā huā fasāna kānoñ ko phir sunā de

    murda tabī.atoñ afsurdagī miTā de

    uThte hue sharāre is raakh se dikhā de

    hubb-e-vatan samā.e āñkhoñ meñ nuur ho kar

    sar meñ ḳhumār ho kar dil meñ surūr ho kar

    shaidā-e-bostāñ ko sarv-o-saman mubārak

    rañgīñ tabī.atoñ ko rañg-e-suḳhan mubārak

    bulbul ko gul mubārak gul ko chaman mubārak

    ham be-kasoñ ko apnā pyārā vatan mubārak

    ġhunche hamāre dil ke is baaġh meñ khileñge

    is ḳhaak se uThe haiñ is ḳhaak meñ mileñge

    hai jū-e-shīr ham ko nūr-e-sahar vatan

    āñkhoñ raushnī hai jalva is anjuman

    hai rashk-e-mahr zarra is manzil-e-kuhan

    tultā hai barg-e-gul se kāñTā bhī is chaman

    gard-o-ġhubār yaañ ḳhil.at hai apne tan ko

    mar kar bhī chāhte haiñ ḳhāk-e-vatan kafan ko

    ai KHak-e-hind teri azmat mein kya guman hai

    dariya-e-faiz-e-qudarat tere liye rawan hai

    tere jabin se nur-e-husn-e-azal ayan hai

    allah-re zeb-o-zinat kya auj-e-izz-o-shan hai

    har subh hai ye KHidmat KHurshid-e-pur-ziya ki

    kirnon se gundhta hai choTi himaliya ki

    is KHak-e-dil-nashin se chashme hue wo jari

    chin o arab mein jin se hoti thi aabiyari

    sare jahan pe jab tha wahshat ka abr tari

    chashm-o-charagh-e-alam thi sar-zamin hamari

    sham-e-adab na thi jab yunan ki anjuman mein

    taban tha mahr-e-danish is wadi-e-kuhan mein

    'gautum' ne aabru di is mabad-e-kuhan ko

    'sarmad' ne is zamin par sadqe kiya watan ko

    'akbar' ne jam-e-ulfat baKHsha is anjuman ko

    sincha lahu se apne 'rana' ne is chaman ko

    sab surbir apne is KHak mein nihan hain

    TuTe hue khanDar hain ya un ki haDDiyan hain

    diwar-o-dar se ab tak un ka asar ayan hai

    apni ragon mein ab tak un ka lahu rawan hai

    ab tak asar mein Dubi naqus ki fughan hai

    firdaus-e-gosh ab tak kaifiyyat-e-azan hai

    kashmir se ayan hai jannat ka rang ab tak

    shaukat se bah raha hai dariya-e-gang ab tak

    agli si tazgi hai phulon mein aur phalon mein

    karte hain raqs ab tak taus jangalon mein

    ab tak wahi kaDak hai bijli ki baadalon mein

    pasti si aa gai hai par dil ke hauslon mein

    gul sham-e-anjuman hai go anjuman wahi hai

    hubb-e-watan wahi hai KHak-e-watan wahi hai

    barson se ho raha hai barham saman hamara

    duniya se miT raha hai nam-o-nishan hamara

    kuchh kam nahin ajal se KHwab-e-giran hamara

    ek lash-e-be-kafan hai hindostan hamara

    ilm-o-kamal o iman barbaad ho rahe hain

    aish-o-tarab ke bande ghaflat mein so rahe hain

    ai sur-e-hubb-e-qaumi is KHwab se jaga de

    bhula hua fasana kanon ko phir suna de

    murda tabiaton ki afsurdagi miTa de

    uThte hue sharare is rakh se dikha de

    hubb-e-watan samae aankhon mein nur ho kar

    sar mein KHumar ho kar dil mein surur ho kar

    shaida-e-bostan ko sarw-o-saman mubarak

    rangin tabiaton ko rang-e-suKHan mubarak

    bulbul ko gul mubarak gul ko chaman mubarak

    hum be-kason ko apna pyara watan mubarak

    ghunche hamare dil ke is bagh mein khilenge

    is KHak se uThe hain is KHak mein milenge

    hai ju-e-shir hum ko nur-e-sahar watan ka

    aankhon ki raushni hai jalwa is anjuman ka

    hai rashk-e-mahr zarra is manzil-e-kuhan ka

    tulta hai barg-e-gul se kanTa bhi is chaman ka

    gard-o-ghubar yan ka KHilat hai apne tan ko

    mar kar bhi chahte hain KHak-e-watan kafan ko

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY