KHala

chaar sū ik udaas manzar hai

ziist hai jaise ek vīrāna

jaane kyoñ phaT rahā hai aaj dimāġh

ho na jā.ūñ kahīñ maiñ dīvāna

dost kahte haiñ sair kar aa.eñ

mauj kar aa.eñ dil ko bahlā.eñ

koī dilbar na dil-nashīñ koī

koī gul-rū na mah-jabīñ koī

jī machal jaa.e jis se milne ko

haa.e is dahr meñ nahīñ koī

chāñd tāroñ kī raushnī be-sūd

sair-e-dariyā kī baat bhī be-sūd

gulsitāñ kī kalī kalī be-sūd

ham-nashīnoñ kī dil-lagī be-sūd

dil ko lagtā hai aaj rah rah kar

jaise hai merī zindagī be-sūd

maah aur saal kitne biit ga.e

be-sabab be-husūl be-manshā

haa.e lekin ye ek ik lamha

kuchh bhī kiije guzar nahīñ paatā

chubh rahā hai jigar meñ ik kāñTā

kaash merā bhī koī ho jaatā

kaash merā bhī koī ho jaatā

kaash merā bhī koī ho jaatā

chaar su ek udas manzar hai

zist hai jaise ek virana

jaane kyon phaT raha hai aaj dimagh

ho na jaun kahin main diwana

dost kahte hain sair kar aaen

mauj kar aaen dil ko bahlaen

koi dilbar na dil-nashin koi

koi gul-ru na mah-jabin koi

ji machal jae jis se milne ko

hae is dahr mein nahin koi

chand taron ki raushni be-sud

sair-e-dariya ki baat bhi be-sud

gulsitan ki kali kali be-sud

ham-nashinon ki dil-lagi be-sud

dil ko lagta hai aaj rah rah kar

jaise hai meri zindagi be-sud

mah aur sal kitne bit gae

be-sabab be-husul be-mansha

hae lekin ye ek ek lamha

kuchh bhi kije guzar nahin pata

chubh raha hai jigar mein ek kanTa

kash mera bhi koi ho jata

kash mera bhi koi ho jata

kash mera bhi koi ho jata