KHanjar talash karta hai

bashar rumūz-e-muqaddar talāsh kartā hai

qazā-o-qadr kā mehvar talāsh kartā hai

faqīh-e-shahr sanam-ḳhāna-e-siyāsat meñ

sirāt-e-dīn kā rahbar talāsh kartā hai

ḳhudā ko chhoḌ ke jamhūr kā havas-pesha

sukūn-e-qalb falak par talāsh kartā hai

mazāq-e-adl se begāna hai magar insān

fasād-ḳhāna meñ yāvar talāsh kartā hai

pa.e najāt vatan meñ ba-faiz-e-āzādī

sharīf aadmī ḳhanjar talāsh kartā hai

fazā-e-dahr meñ taḳhrīb kā alam-bardār

hayāt-sāz payambar talāsh kartā hai

tarāshtā hai barāhīm-e-asr sad-asnām

charāġh-e-tūr par aazar talāsh kartā hai

barahna zulmat-e-tahzīb meñ tan-e-maryam

masīh-e-vaqt kī chādar talāsh kartā hai

sanam-kade meñ tafalsuf ke tīra-dil vaa.iz

uvais-o-ḳhālid-o-bū-zar talāsh kartā hai

ilaaj ḳhātir-e-millat kā pāsbān-e-haram

la.īn-e-vaqt ke dar par talāsh kartā hai

ḳhulūs-e-dīn ko ba.ad-az-ḳharābi-e-bisyār

zamāna aaj mukarrar talāsh kartā hai

tan-e-shuyūḳh ba-zāhir galīm-posh sahī

zamīr shāhid-o-sāġhar talāsh kartā hai

duā asīrī kī kartā hai sāhab-e-qur.āñ

mafar ġhulāmī se kāfar talāsh kartā hai

mazāq-e-faqr hai rahmat asar zamāne meñ

azāb-e-kunz tavañgar talāsh kartā hai

jahān-e-shor meñ paiham yazīd kā lashkar

husain-e-asr ko ghar ghar talāsh kartā hai

sañvar to saktī hai millat kī nāsehā taqdīr

lahū zamāne kā tevar talāsh kartā hai

miyān-e-bahr sadaf meñ guhar to hai lekin

ḳhatar-pasand shanāvar talāsh kartā hai

zamāna batn-e-jahannam meñ ek muddat se

nishāt-o-kaif barābar talāsh kartā hai

gunāhgār hai 'bebāk' be-navā lekin

nabī kā gumbad-e-aḳhzar talāsh kartā hai

bashar rumuz-e-muqaddar talash karta hai

qaza-o-qadr ka mehwar talash karta hai

faqih-e-shahr sanam-KHana-e-siyasat mein

siraat-e-din ka rahbar talash karta hai

KHuda ko chhoD ke jamhur ka hawas-pesha

sukun-e-qalb falak par talash karta hai

mazaq-e-adl se begana hai magar insan

fasad-KHana mein yawar talash karta hai

pae najat watan mein ba-faiz-e-azadi

sharif aadmi KHanjar talash karta hai

faza-e-dahr mein taKHrib ka alam-bardar

hayat-saz payambar talash karta hai

tarashta hai barahim-e-asr sad-asnam

charagh-e-tur par aazar talash karta hai

barahna zulmat-e-tahzib mein tan-e-maryam

masih-e-waqt ki chadar talash karta hai

sanam-kade mein tafalsuf ke tira-dil waiz

uwais-o-KHalid-o-bu-zar talash karta hai

ilaj KHatir-e-millat ka pasban-e-haram

lain-e-waqt ke dar par talash karta hai

KHulus-e-din ko baad-az-KHarabi-e-bisyar

zamana aaj mukarrar talash karta hai

tan-e-shuyuKH ba-zahir galim-posh sahi

zamir shahid-o-saghar talash karta hai

dua asiri ki karta hai sahab-e-quran

mafar ghulami se kafar talash karta hai

mazaq-e-faqr hai rahmat asar zamane mein

azab-e-kunz tawangar talash karta hai

jahan-e-shor mein paiham yazid ka lashkar

husain-e-asr ko ghar ghar talash karta hai

sanwar to sakti hai millat ki naseha taqdir

lahu zamane ka tewar talash karta hai

miyan-e-bahr sadaf mein guhar to hai lekin

KHatar-pasand shanawar talash karta hai

zamana batn-e-jahannam mein ek muddat se

nishat-o-kaif barabar talash karta hai

gunahgar hai 'bebak' be-nawa lekin

nabi ka gumbad-e-aKHzar talash karta hai