KHayal-e-abru

ḳhayāl-e-ābrū

ab kyā ḳhayāl-e-ābrū

bhiiḌ meñ aan baiThe

ab kyā savāl-e-dīd aur kaisā hijāb

bas janāb

jaatī havā se kis liye sar kī ridā bachā.iye

dekhiye muskurā.ī hai

ek nigāh-e-ishtiyāq

hosh meñ aa.iye huzūr

aap bhī muskurā.iye

dekh ke yaañ barahna-sar

kaun hai jo malūl ho

haif hai ab bhī sher kī

daad na gar vasūl ho

chhoḌ bhī dījiye 'abīr'

kaahe kī parda-dāriyāñ

shahar se uTh ga.iiñ huzūr

pahlī sī vaz.a-dāriyāñ

aap bhī to badal ga.iiñ

jī ma.azarat qubūl ho

koī na saath ro.egā

kyoñ sar-e-ām roiye

sher kī aabrū ga.ī

kyoñ na mudām roiye

achchhī lagī tamāsh-gāh

dekhiye ḳhat uThā.iye

roiye

ro.e jā.iye

ab kyā ḳhayāl-e-ābrū

bhiiḌ meñ aan baiThiye

KHayal-e-abru

ab kya KHayal-e-abru

bhiD mein aan baiThe

ab kya sawal-e-did aur kaisa hijab

bas janab

jati hawa se kis liye sar ki rida bachaiye

dekhiye muskurai hai

ek nigah-e-ishtiyaq

hosh mein aaiye huzur

aap bhi muskuraiye

dekh ke yan barahna-sar

kaun hai jo malul ho

haif hai ab bhi sher ki

dad na gar wasul ho

chhoD bhi dijiye 'abir'

kahe ki parda-dariyan

shahar se uTh gain huzur

pahli si waza-dariyan

aap bhi to badal gain

ji mazarat qubul ho

koi na sath roega

kyon sar-e-am roiye

sher ki aabru gai

kyon na mudam roiye

achchhi lagi tamash-gah

dekhiye KHat uThaiye

roiye

roe jaiye

ab kya KHayal-e-abru

bhiD mein aan baiThiye