کھلونے

ماموں جب لاہور سے آئے

ڈھیروں ڈھیر کھلونے لائے

جھانکا اک ڈبے کے اندر

موٹا سا اک نکلا بندر

اس کو ناچ نچانے والا

ہوا بر آمد ایک قلندر

اک ڈبے سے نکلا بھالو

سر ہے جیسے موٹا آلو

چھوٹے چھوٹے دیکھ کے بازو

یاد آیا ہے مجھے کچالو

نکلا اک ڈبے سے چھکڑا

اس میں جتا ہے بیل اک تگڑا

خوب ہنسا میں جب یہ دیکھا

ہانک رہا ہے بیل کو مکڑا

یہ کیسا ہے عجب کھلونا

ڈبے سے جو نکلا بونا

ہلکی سی اک چپت لگاؤ

دیکھو پھر تم اس کا رونا

آہا ہا یہ دیکھو گھوڑا

تانگے میں ہے جس کو جوڑا

سرپٹ دوڑ اٹھا ہے فوراً

چابی دے کر جوں ہی چھوڑا