KHud ko KHud mein tahlil karo

chup-chāp raho

varna ḳhāmoshī kī chādar

chaak ho jā.egī

mumkin hai is kī ye paakī bhī

paakī na rah jaa.e

aur yahīñ phir din ke Dhalne par

ehsās-e-gunah baḌh jaa.e

pākī, paakī na rah jaa.e

aur yahīñ ye ḳhāmoshī kī chādar

oḌh na paa.e

koḌh man kā vo ban jaa.e

behtar hai chup-chāp raho

is ḳhāmoshī kī chādar ko

gard-e-anā se duur rakho

ḳhud ko duniyā se duur rakho

duniyā ḳhud ban jaao

apne andar tah-dar-tah bātin meñ

ek jahāñ ābād karo

aḳhlāq o sadāqat

sabr-o-qanā.at

abd o riyāzat

samteñ ban jaa.eñ

arz o samā ban jaa.eñ

ḳhud ko ḳhud meñ tahlīl karo

apnī phir takmīl karo

chup-chap raho

warna KHamoshi ki chadar

chaak ho jaegi

mumkin hai is ki ye paki bhi

paki na rah jae

aur yahin phir din ke Dhalne par

ehsas-e-gunah baDh jae

paki, paki na rah jae

aur yahin ye KHamoshi ki chadar

oDh na pae

koDh man ka wo ban jae

behtar hai chup-chap raho

is KHamoshi ki chadar ko

gard-e-ana se dur rakho

KHud ko duniya se dur rakho

duniya KHud ban jao

apne andar tah-dar-tah baatin mein

ek jahan aabaad karo

aKHlaq o sadaqat

sabr-o-qanaat

abd o riyazat

samten ban jaen

arz o sama ban jaen

KHud ko KHud mein tahlil karo

apni phir takmil karo