KHuda qahqaha lagata hai

ġhazva-e-ḳhandaq kā safar

zabān kī ḳhandaq tak aa pahuñchā

lekin sāzisheñ hathiyā.ī nahīñ jā sakīñ

iblīs kī ma.ayyat meñ

namāz-e-hājāt adā karne vaale

hatheliyoñ meñ jannat bhar ke kahte haiñ

ḳhudāyā

ye duudh aur shahd kī nahreñ

kis ke liye bachā rakhī haiñ

terī zamīn pe to ab

kachre ke Dher se

rizq nahīñ insānī khilaune milte haiñ

zālimoñ ne mushkeñ kas liiñ

aur terī darāz rassiyoñ ne

hazāroñ iisā maslūb kar diye

terī tevrī meñ bal paḌtā hai to

zamīn taish meñ thūthnī hilātī hai

aur āsmān saarī raat

us pe bhūñktā rahtā hai

dekh tere khilaunoñ kī

zabān-darāzī baḌh ga.ī hai

aur likhne vāloñ ke liye

saarī kahāniyāñ

baasī kaḌhī ke ubaal jaisī ho ga.ī haiñ

is liye surḳhiyoñ meñ ab

terī masrūfiyat pe savāl uThāyā jā rahā hai

tū chup-chāp miTTī ko

khanakte hue suntā hai

kabhī bol ke bhī dekh

ghazwa-e-KHandaq ka safar

zaban ki KHandaq tak aa pahuncha

lekin sazishen hathiyai nahin ja sakin

iblis ki mayyat mein

namaz-e-hajat ada karne wale

hatheliyon mein jannat bhar ke kahte hain

KHudaya

ye dudh aur shahd ki nahren

kis ke liye bacha rakhi hain

teri zamin pe to ab

kachre ke Dher se

rizq nahin insani khilaune milte hain

zalimon ne mushken kas lin

aur teri daraaz rassiyon ne

hazaron isa maslub kar diye

teri tewri mein bal paDta hai to

zamin taish mein thuthni hilati hai

aur aasman sari raat

us pe bhunkta rahta hai

dekh tere khilaunon ki

zaban-daraazi baDh gai hai

aur likhne walon ke liye

sari kahaniyan

basi kaDhi ke ubaal jaisi ho gai hain

is liye surKHiyon mein ab

teri masrufiyat pe sawal uThaya ja raha hai

tu chup-chap miTTi ko

khanakte hue sunta hai

kabhi bol ke bhi dekh