KHurd-rau dalilen

vo kyā thā

qahqaha thā

chīḳh thī

chiñghāḌ thī

yā dahāḌ thii?

us ne samā.at chīrtī āvāz kā golā

utartī raat kī bhīgī huī pahnā.ī meñ dāġhā

to mere paañv ke nīche zamīn chalne lagī

ye tum ne kyā kiyā merī dabī āvāz ne pūchhā

to vo ik ghūñT paanī se phaTī āvāz ko sī kar

kisī andhe kueñ kī tah se bolā

mujhe jab bhī miirī bedard socheñ tañg kartī haiñ

zamāne kī ravish se jab mirī ḳhurd-rau dalīleñ jañg kartī haiñ

kitābeñ jab mire sar kā nishāna bāñdh ke apnī ibārat sañg kartī haiñ

to mujh se aur kuchh bhī ho nahīñ saktā

maiñ ye bedard āvāzā lagātā huuñ

vagarna so nahīñ saktā

wo kya tha

qahqaha tha

chiKH thi

chinghaD thi

ya dahaD thi?

us ne samaat chirti aawaz ka gola

utarti raat ki bhigi hui pahnai mein dagha

to mere panw ke niche zamin chalne lagi

ye tum ne kya kiya meri dabi aawaz ne puchha

to wo ek ghunT pani se phaTi aawaz ko si kar

kisi andhe kuen ki tah se bola

mujhe jab bhi meri bedard sochen tang karti hain

zamane ki rawish se jab meri KHurd-rau dalilen jang karti hain

kitaben jab mere sar ka nishana bandh ke apni ibarat sang karti hain

to mujh se aur kuchh bhi ho nahin sakta

main ye bedard aawaza lagata hun

wagarna so nahin sakta