KHwab dekhna

hai jahān-e-guzarāñ ḳhvāb kā bilkul naqsha

dīda-e-hazrat-e-insāñ ke liye dhokā sā

shādmānī kā tabassum hai ki aañsū ġham kā

ye bhī jhūTā hai jo merī suno vo bhī jhūTā

yaañ hai jo chiiz vo sachchī nahīñ juz nām-e-ḳhudā

nām-o-shohrat ke ye chumkāre bhī bilkul jhūTe

misl-e-nairañg-e-shafaq ham ne badalte dekhe

ishq-o-ummīd hai kyā husn samajhte ho kise

ye vo haiñ phuul chune jaa.eñ jo qabroñ ke liye

yaañ hai jo nuur vo qaa.em nahīñ juz zāt-e-ḳhudā

bahr-e-tufānī-e-duniyā meñ haiñ ham sar-gashta

mauj-e-ġham meñ hai jahāz apnā theater khātā

raushnī aql kī hai vahm kā yā chumkārā

in se tūfāñ ke sivā ham ne na kuchh bhī dekhā

yaañ hai jo shai bhī vo maskan nahīñ juz nām-e-ḳhudā

hai jahan-e-guzaran KHwab ka bilkul naqsha

dida-e-hazrat-e-insan ke liye dhoka sa

shadmani ka tabassum hai ki aansu gham ka

ye bhi jhuTa hai jo meri suno wo bhi jhuTa

yan hai jo chiz wo sachchi nahin juz nam-e-KHuda

nam-o-shohrat ke ye chumkare bhi bilkul jhuTe

misl-e-nairang-e-shafaq hum ne badalte dekhe

ishq-o-ummid hai kya husn samajhte ho kise

ye wo hain phul chune jaen jo qabron ke liye

yan hai jo nur wo qaem nahin juz zat-e-KHuda

bahr-e-tufani-e-duniya mein hain hum sar-gashta

mauj-e-gham mein hai jahaz apna theater khata

raushni aql ki hai wahm ka ya chumkara

in se tufan ke siwa hum ne na kuchh bhi dekha

yan hai jo shai bhi wo maskan nahin juz nam-e-KHuda