KHwab ke sannaTe

phir vahī umr-e-gurezāñ kā malāl

phir vahī kashmakash-e-māzī-o-hāl

anginat ḳhvāb

laḌakpan ke javānī ke sulagte hue jazboñ ke mah-o-sāl ke ḳhvāb

ek ik lamha

bikhartā sā simaTtā sā

ḳhad-o-ḳhāl ke sau rang liye

qahqahe majlis-e-ahbāb shagufta chehre

ek āsūda tamannā kā dayār

jaise nau-ḳhez shagūfoñ kī bahār

aur ab ḳhvāb ke sannāTe meñ

umr kī nisf-sadī pūchh rahī hai mujh se

tum ne kyā khoyā hai kyā paayā hai

vaqt kī dhuup meñ tapte hue sahrā kā ḳhayāl

ek martī huī tahzīb kā nādīda jamāl

ġham-e-insāñ ġham-e-daurāñ ġham-e-jānāñ kā savāl

yaad hī umr-e-gurezāñ kā malāl

phir wahi umr-e-gurezan ka malal

phir wahi kashmakash-e-mazi-o-haal

anginat KHwab

laDakpan ke jawani ke sulagte hue jazbon ke mah-o-sal ke KHwab

ek ek lamha

bikharta sa simaTta sa

KHad-o-KHal ke sau rang liye

qahqahe majlis-e-ahbab shagufta chehre

ek aasuda tamanna ka dayar

jaise nau-KHez shagufon ki bahaar

aur ab KHwab ke sannaTe mein

umr ki nisf-sadi puchh rahi hai mujh se

tum ne kya khoya hai kya paya hai

waqt ki dhup mein tapte hue sahra ka KHayal

ek marti hui tahzib ka nadida jamal

gham-e-insan gham-e-dauran gham-e-jaanan ka sawal

yaad hi umr-e-gurezan ka malal