KHwahish ka shor

maiñ us nagar kī talāsh meñ huuñ

jahāñ pe har shaam chāñd kī god se fazāoñ meñ phuul utreñ

Dagar Dagar kī udaas ḳhushbū diloñ ko mīThā sā dard baḳhshe

nashe meñ khoī sī mast sāñsoñ meñ

ḳhvāhishoñ kā udaas dhīmā sā shor

āñkhoñ meñ aarzū kī kathā kahānī

larazte aañsū ḳhamosh ma.asūm dhaḌkanoñ kī zabān kholeñ

bahār se āñchaloñ ke saa.e meñ

Dāliyoñ sī machaltī bāñheñ sukūn bhar ek aasrā huuñ

aur aise sone samay kī rut meñ

in āñsuoñ ke ḳhamosh meloñ dukhoñ ke nāshād jamghaToñ meñ

ye ek dil dūsre se hargiz bichhaḌ na paa.e

main us nagar ki talash mein hun

jahan pe har sham chand ki god se fazaon mein phul utren

Dagar Dagar ki udas KHushbu dilon ko miTha sa dard baKHshe

nashe mein khoi si mast sanson mein

KHwahishon ka udas dhima sa shor

aankhon mein aarzu ki katha kahani

larazte aansu KHamosh masum dhaDkanon ki zaban kholen

bahaar se aanchalon ke sae mein

Daliyon si machalti banhen sukun bhar ek aasra hun

aur aise sone samay ki rut mein

in aansuon ke KHamosh melon dukhon ke nashad jamghaTon mein

ye ek dil dusre se hargiz bichhaD na pae