KHwahish

ḳhvāhisheñ kam nahīñ hoñgī

jo tum chāho to aazmā lo

sāñseñ thamtī nahīñ haiñ ḳhvāboñ kī

chāhe jahāñ bhī dafnā lo

maiñ tujh meñ tujh sā hī huuñ kahīñ

zarā DhūñDho zarā jaano

phir tum faisla lenā

ki chhoḌoge yā apnā lo

kahoge kuchh na tum ham se

chalo is baat ko maanā

par ḳhud se to na yuuñ rūTho

yā sīkho bhī manānā

rahūñgā maiñ to yahīñ kahīñ

tere dāman kā aañsū huuñ

ḳhushī meñ yaad tum karnā

ġham ko ab aur na paalo

sāñseñ thamtī nahīñ haiñ ḳhvāboñ kī

chāhe jahāñ bhī dafnā lo

chaloge mujh sañg ab na tum

kahāñ aatā hai nibhānā

par khud ke saath to Thahro

suno pīchhe nahīñ aanā

tum mujh ko jānoge ek din

yaqīñ ye khud ko dilā lo

ye vaqt samjhā ke rahtā hai

chāhe kitnā bhī tum Taalo

sāñseñ thamtī nahīñ haiñ ḳhvāboñ kī

chāhe jahāñ bhī dafnā lo

KHwahishen kam nahin hongi

jo tum chaho to aazma lo

sansen thamti nahin hain KHwabon ki

chahe jahan bhi dafna lo

main tujh mein tujh sa hi hun kahin

zara DhunDho zara jaano

phir tum faisla lena

ki chhoDoge ya apna lo

kahoge kuchh na tum hum se

chalo is baat ko mana

par KHud se to na yun ruTho

ya sikho bhi manana

rahunga main to yahin kahin

tere daman ka aansu hun

KHushi mein yaad tum karna

gham ko ab aur na palo

sansen thamti nahin hain KHwabon ki

chahe jahan bhi dafna lo

chaloge mujh sang ab na tum

kahan aata hai nibhana

par khud ke sath to Thahro

suno pichhe nahin aana

tum mujh ko jaanoge ek din

yaqin ye khud ko dila lo

ye waqt samjha ke rahta hai

chahe kitna bhi tum Talo

sansen thamti nahin hain KHwabon ki

chahe jahan bhi dafna lo