KHwahish

ek ajiib ḳhvāhish hai

is zamīñ ke kone meñ

sirf mah-jabīnoñ kī

sab kī sab hasīnoñ kī

apnī ek bastī ho

zindagī jahāñ har pal khilkhilā ke hañstī ho

rañg-o-nūr kī bārish

har ghaḌī barastī ho

sab ġhazāl-nainoñ meñ

shoḳh sī sharārat ho

in kī jumbish-e-lab se

zindagī ibārat ho

ḳhushiyoñ kā jhamelā ho

palkoñ pe sitāre hoñ

raushnī kā relā ho

ḳhushbuoñ kā mela ho

aur mah-jabīnoñ kī is hasīn bastī meñ

ek sirf merā hī

chūḌiyoñ kā Thela ho

ek ajib KHwahish hai

is zamin ke kone mein

sirf mah-jabinon ki

sab ki sab hasinon ki

apni ek basti ho

zindagi jahan har pal khilkhila ke hansti ho

rang-o-nur ki barish

har ghaDi barasti ho

sab ghazal-nainon mein

shoKH si shararat ho

in ki jumbish-e-lab se

zindagi ibarat ho

KHushiyon ka jhamela ho

palkon pe sitare hon

raushni ka rela ho

KHushbuon ka mela ho

aur mah-jabinon ki is hasin basti mein

ek sirf mera hi

chuDiyon ka Thela ho