kitab

har dam ilm sikhātī hai

aql ke raaz batātī hai

pyārā naam kitāb hai us kā

ma.alūmāt baḌhātī hai

koī bachcha ho yā būḌhā

sab ko yaksāñ bhātī hai

daadā abbā mol agar leñ

pote ke kaam aatī hai

ghar baiThe hī duniyā bhar kī

ham ko sair karātī hai

agle vaqtoñ ke logoñ kā

saarā haal sunātī hai

is kī dānā.ī to dekho

jo pūchho samjhātī hai

jāhil se jāhil ko āḳhir

qābil shaḳhs banātī hai

har daftar ke har afsar ko

ye parvān chaḌhātī hai

dil kī āñkheñ raushan karke

haq kī raah dikhātī hai

paḌhne vaale ḳhush hote haiñ

un kā rañj miTātī hai

tanhā.ī meñ hamdam ban kar

'faiz' hameñ pahuñchātī hai

har dam ilm sikhati hai

aql ke raaz batati hai

pyara nam kitab hai us ka

malumat baDhati hai

koi bachcha ho ya buDha

sab ko yaksan bhati hai

dada abba mol agar len

pote ke kaam aati hai

ghar baiThe hi duniya bhar ki

hum ko sair karaati hai

agle waqton ke logon ka

sara haal sunati hai

is ki danai to dekho

jo puchho samjhati hai

jahil se jahil ko aaKHir

qabil shaKHs banati hai

har daftar ke har afsar ko

ye parwan chaDhati hai

dil ki aankhen raushan karke

haq ki rah dikhati hai

paDhne wale KHush hote hain

un ka ranj miTati hai

tanhai mein hamdam ban kar

'faiz' hamein pahunchati hai