kitni neamaton se nawaza hai mujhe

kitnī ne.amatoñ se navāzā hai mujhe

ḳhudā.e izz-o-jal ne

ye pur-kashish sā badan

jis pe shā.ir puurī bayāz likh de

ye chāñd kī kirnoñ jaisā

ujlā ujlā ruup

ye sone jaise baal

ye gulāb jaise nāzuk hoñT

ye siyāh ghanerī zulfeñ

jin pe raat kā gumāñ hotā hai

in āñkhoñ meñ

samundar kī gahrā.ī hai

lahje meñ phūloñ sī narmī hai

maiñ

lafzoñ ko na.e ma.anī pahnā detī huuñ

bātoñ ko ḳhūbsūrat andāz meñ sajā detī huuñ

kisī bhī ġham-zada ke dukh par taḌap jaatī huuñ

maiñ vo shabnam kā qatra huuñ

jo sulagte vajūd ko ThanDak detī hai

maiñ vo sāgar huuñ jo saare dukhoñ ko dil meñ chhupā letī hai

vāqa.ī dene vaale ne

bahut kuchh diyā hai mujhe

ek muḳhlis aur vafādār sāthī

jo merī ek muskurāhaT se jī uThtā hai

aur

nanhā munnā vajūd

jis kī āñkhoñ ke darīchoñ se pyaar umañDtā rahtā hai

sab kuchh to diyā hai ḳhudā ne mujhe

magar

in sab ke bāvajūd

kabhī kabhī

tumhārā ḳhayāl aa hī jaatā hai

kitni neamaton se nawaza hai mujhe

KHudae izz-o-jal ne

ye pur-kashish sa badan

jis pe shair puri bayaz likh de

ye chand ki kirnon jaisa

ujla ujla rup

ye sone jaise baal

ye gulab jaise nazuk honT

ye siyah ghaneri zulfen

jin pe raat ka guman hota hai

in aankhon mein

samundar ki gahrai hai

lahje mein phulon si narmi hai

main

lafzon ko nae mani pahna deti hun

baaton ko KHubsurat andaz mein saja deti hun

kisi bhi gham-zada ke dukh par taDap jati hun

main wo shabnam ka qatra hun

jo sulagte wajud ko ThanDak deti hai

main wo sagar hun jo sare dukhon ko dil mein chhupa leti hai

waqai dene wale ne

bahut kuchh diya hai mujhe

ek muKHlis aur wafadar sathi

jo meri ek muskurahaT se ji uThta hai

aur

nanha munna wajud

jis ki aankhon ke darichon se pyar umanDta rahta hai

sab kuchh to diya hai KHuda ne mujhe

magar

in sab ke bawajud

kabhi kabhi

tumhaara KHayal aa hi jata hai