kiwaD

sonā

so kar niiñd meñ khonā

band karo

ye band karo

apne bachpan ko

baat baat par

ġhairoñ kī shunavā.ī meñ

phir bonā

band karo

tum lauT kabhī na pāoge

us āsmān kī chhāñv meñ

tum vāpas kabhī na jāoge

apnī shunavā.ī bīnā.ī ko

lams meñ aatī tanhā.ī ko

phir se kabhī na pāoge

band karo

tum guzre us āñgan kī ThanDak

in talvoñ meñ

phir se sahnā

band karo

ye sonā

so kar niiñd pironā

biite shajar ke bījoñ ko

ab niiñd kī miTTī meñ

phir bonā

band karo

is shajar kī chhāñv ke bhītar

tum lauT kabhī na pāoge

aur maut kā ujlā sūraj tum ko

bedārī meñ

yahāñ jalā kar ḳhaak karegā

talvoñ kī ThanDak ko lab ko

lams ko bhī tanhā har shab ko

bedārī meñ

yahāñ jalā kar ḳhaak karegā

sonā

so kar niiñd meñ khonā

band karo

tum ḳhvāb kī hālat meñ ab ronā

band karo

tum lauT kabhī na pāoge

sona

so kar nind mein khona

band karo

ye band karo

apne bachpan ko

baat baat par

ghairon ki shunawai mein

phir bona

band karo

tum lauT kabhi na paoge

us aasman ki chhanw mein

tum wapas kabhi na jaoge

apni shunawai binai ko

lams mein aati tanhai ko

phir se kabhi na paoge

band karo

tum guzre us aangan ki ThanDak

in talwon mein

phir se sahna

band karo

ye sona

so kar nind pirona

bite shajar ke bijon ko

ab nind ki miTTi mein

phir bona

band karo

is shajar ki chhanw ke bhitar

tum lauT kabhi na paoge

aur maut ka ujla suraj tum ko

bedari mein

yahan jala kar KHak karega

talwon ki ThanDak ko lab ko

lams ko bhi tanha har shab ko

bedari mein

yahan jala kar KHak karega

sona

so kar nind mein khona

band karo

tum KHwab ki haalat mein ab rona

band karo

tum lauT kabhi na paoge