koDon ki saza pane wale pahle shaKHs ke nam

tū mere daur kā iisā hai

jis ne qaum ke saare gunāhoñ

saarī burā.iyoñ saarī sazāoñ

ko apne kañdhe pe uThā kar kuuḌe khaa.e

ham sab chor haiñ

ham sab zaanī

ham sab rishvat-ḳhor luTere

phir sab ke hisse kī sazā

tum ne kyuuñ paa.ī

aur ham chāroñ or khaḌe

terā tamāshā dekh rahe the

jaise tum ne jurm kiyā thā

aur ham saare pārsā the

tu mere daur ka isa hai

jis ne qaum ke sare gunahon

sari buraiyon sari sazaon

ko apne kandhe pe uTha kar kuDe khae

hum sab chor hain

hum sab zani

hum sab rishwat-KHor luTere

phir sab ke hisse ki saza

tum ne kyun pai

aur hum chaaron or khaDe

tera tamasha dekh rahe the

jaise tum ne jurm kiya tha

aur hum sare parsa the