koi rang dil pe chaDha nahin

mirī jaan

dasht-e-sulūk meñ

mujhe jis maqām pe chhoḌ kar

ye sifāl-e-rābta toḌ kar

zarā aag lene ga.e the tum

maiñ rukā huā huuñ usī jagah

sar-e-mū bhī aage baḌhā nahīñ

mirī jaan

mujh pe ye baar haiñ

mire aa.ine kā ġhubār haiñ

ye tumhāre reshmī taar haiñ

ye tumhārī sozan-e-sīm hai

ye mirī vo saada galīm hai

koī phuul jis pe kaḌhā nahīñ

mirī jaan

tum se nahīñ gila

ye nasīb kā hai mo.āmla

mire vaqt hī meñ likhā na thā

ki tumhāre ḳhirka-e-ḳhās kā

koī rañg dil pe chaḌhā nahīñ

meri jaan

dasht-e-suluk mein

mujhe jis maqam pe chhoD kar

ye sifal-e-rabta toD kar

zara aag lene gae the tum

main ruka hua hun usi jagah

sar-e-mu bhi aage baDha nahin

meri jaan

mujh pe ye bar hain

mere aaine ka ghubar hain

ye tumhaare reshmi tar hain

ye tumhaari sozan-e-sim hai

ye meri wo sada galim hai

koi phul jis pe kaDha nahin

meri jaan

tum se nahin gila

ye nasib ka hai moamla

mere waqt hi mein likha na tha

ki tumhaare KHirka-e-KHas ka

koi rang dil pe chaDha nahin