koi zindagi thi guman si

kyā koī ḳhabar aa.e

zindagī ke tarkash meñ

jitne tiir baaqī the

merī be-dhyānī se

dil kī ḳhush-gumānī se

saaz baaz karte hī

ruuh meñ utar aa.e

dhund itnī gahrī hai

kuchh patā nahīñ chaltā

ḳhvāb ke ta.āqub meñ

kaun se zamānoñ se

kitne āsmānoñ se

ham guzar ke ghar aa.e

fasl-e-gul kī bāteñ bhī

ab kahāñ raheñ mumkin

umr kī kahānī meñ

aisī be-zamīnī meñ

aisī lā-makānī meñ

sirf itnā mumkin hai

dhaḌkanoñ kī gintī meñ

aglā moḌ muḌte hī

āḳhirī safar aa.e

kya koi KHabar aae

zindagi ke tarkash mein

jitne tir baqi the

meri be-dhyani se

dil ki KHush-gumani se

saz baz karte hi

ruh mein utar aae

dhund itni gahri hai

kuchh pata nahin chalta

KHwab ke taaqub mein

kaun se zamanon se

kitne aasmanon se

hum guzar ke ghar aae

fasl-e-gul ki baaten bhi

ab kahan rahen mumkin

umr ki kahani mein

aisi be-zamini mein

aisi la-makani mein

sirf itna mumkin hai

dhaDkanon ki ginti mein

agla moD muDte hi

aaKHiri safar aae