koshish raegan

sab kuchh yaad kar rahā huuñ maiñ

koī baat bhulā dene ko

aur ye kaisī sachchā.ī hai

aaj bhūlne kī koshish meñ

sadiyoñ kī tārīḳheñ azbar kar baiThā huuñ

maiñ hairāñ huuñ maiñ huuñ pareshāñ

kaise chhupā.ūñ hālat apnī

har koshish lā hāsil merī

aur ye kamrā ye dīvāreñ

khūñTī se laTkī shalvāreñ

ye be-raunaq būḌhī rāteñ

farsh pe lipTī biitī bāteñ

ye sab mujh par bojh bane haiñ

uf ye kaisā zulm hai mujh par

jab bhī maiñ nañgā hotā huuñ

mere tan par chādar koī paḌī hotī hai

vo bhī ek ghaḌī hotī hai

jab siine par shahr khaḌā ho

tab kuchh be-ma.anī chīḳhoñ se

ik matlab kī chīḳh achānak maiñ hathyā luuñ

aur kisī ḳhāmosh jagah tanhā goshe meñ

saarā matlab chhīn jhapaT kar

fauran us kā galā dabā duuñ

maiñ shāyad kuchh bhuul rahā huuñ

haañ maiñ sab kuchh bhuul chukā huuñ

ab tanhā ḳhālī kamre meñ

haath meñ nañgā chhurā dabā.e

dauḌ rahā huuñ bhaag rahā huuñ

ye bhī mujh ko yaad nahīñ ab

soyā huuñ yā jaag rahā huuñ

qatl ke fauran ba.ad magar phir

vo sab kā sab yaad rahegā

jise bhūlne kī koshish meñ

sadiyoñ kī tārīḳheñ azbar kar baiThā huuñ

sab kuchh yaad kar raha hun main

koi baat bhula dene ko

aur ye kaisi sachchai hai

aaj bhulne ki koshish mein

sadiyon ki tariKHen azbar kar baiTha hun

main hairan hun main hun pareshan

kaise chhupaun haalat apni

har koshish la hasil meri

aur ye kamra ye diwaren

khunTi se laTki shalwaren

ye be-raunaq buDhi raaten

farsh pe lipTi biti baaten

ye sab mujh par bojh bane hain

uf ye kaisa zulm hai mujh par

jab bhi main nanga hota hun

mere tan par chadar koi paDi hoti hai

wo bhi ek ghaDi hoti hai

jab sine par shahr khaDa ho

tab kuchh be-mani chiKHon se

ek matlab ki chiKH achanak main hathya lun

aur kisi KHamosh jagah tanha goshe mein

sara matlab chhin jhapaT kar

fauran us ka gala daba dun

main shayad kuchh bhul raha hun

han main sab kuchh bhul chuka hun

ab tanha KHali kamre mein

hath mein nanga chhura dabae

dauD raha hun bhag raha hun

ye bhi mujh ko yaad nahin ab

soya hun ya jag raha hun

qatl ke fauran baad magar phir

wo sab ka sab yaad rahega

jise bhulne ki koshish mein

sadiyon ki tariKHen azbar kar baiTha hun