kuchh agar hai to mile

ḳhvāb meñ aa.e mujhe mujh se milā.e

mujhe sairābī-e-dīdār se gulzār kare

ḳhvāb vo ḳhvāb ki ho jis tamāzat kā fusūñ-zād

ḳhvāb vo ḳhvāb ki ban jaa.e shikast-e-be-dād

kattha.ī rañg ghule surma.ī shaam meñ aise ki shafaq

ḳhuun kī āñchoñ se dahak kar phaile

āte-jāte hue logoñ kī tag-o-tāz bhī

andeshoñ se anjān lage

jaage ḳhadshe bhī ḳhadd-o-ḳhāl tamannā se huuñ mab.hūt

har ik uzlat-e-jāñ shauq kī shamshīr liye

phail ke sāhil-e-pāyāb ko ġhārat kar de

marqad-e-hīla-e-be-sūd miTe

kuchh agar hai to mile

koī gar hai to chalā aa.e mujhe mujh se milā.e

mujhe sairābī-e-dīdār se gulzār kare

KHwab mein aae mujhe mujh se milae

mujhe sairabi-e-didar se gulzar kare

KHwab wo KHwab ki ho jis tamazat ka fusun-zad

KHwab wo KHwab ki ban jae shikast-e-be-dad

katthai rang ghule surmai sham mein aise ki shafaq

KHun ki aanchon se dahak kar phaile

aate-jate hue logon ki tag-o-taz bhi

andeshon se anjaan lage

jage KHadshe bhi KHadd-o-KHal tamanna se hun mabhut

har ek uzlat-e-jaan shauq ki shamshir liye

phail ke sahil-e-payab ko ghaarat kar de

marqad-e-hila-e-be-sud miTe

kuchh agar hai to mile

koi gar hai to chala aae mujhe mujh se milae

mujhe sairabi-e-didar se gulzar kare