kutiya

ḳhālid jāved ke naam

magar billī ko ronā chāhiye thā

mujhe hoshiyār kar ke hī is raat sonā chāhiye thā

ki vo ghar meñ hai

vo

yaanī mirī maut

use kuchh bhī nahīñ karnā paḌā

mujhe to sirf lamhe bhar kī is sharmindagī ne maar Daalā

vo mere haal par muñh phaaḌ kar jab hañs rahī thī

ki jab vo sāmne aa.ī

mirī āñkhoñ meñ ḳhvāboñ kī chamak thī

hathelī par davā kī goliyāñ thiiñ jin ko badlā thā savere doctor ne

aur maiñ nihāyat mutma.in thā kal ko le kar

ye manzar yuuñ nahīñ kuchh aur honā chāhiye thā

aur bahut mumkin hai hotā bhī

agar mujh ko zarā āgāh kar detī vo kutiyā

vo mirī billī

KHalid jawed ke nam

magar billi ko rona chahiye tha

mujhe hoshiyar kar ke hi is raat sona chahiye tha

ki wo ghar mein hai

wo

yani meri maut

use kuchh bhi nahin karna paDa

mujhe to sirf lamhe bhar ki is sharmindagi ne mar Dala

wo mere haal par munh phaD kar jab hans rahi thi

ki jab wo samne aai

meri aankhon mein KHwabon ki chamak thi

hatheli par dawa ki goliyan thin jin ko badla tha sawere doctor ne

aur main nihayat mutmain tha kal ko le kar

ye manzar yun nahin kuchh aur hona chahiye tha

aur bahut mumkin hai hota bhi

agar mujh ko zara aagah kar deti wo kutiya

wo meri billi