la-ilaha-illallah
Interesting Fact
(Islam aur Musalman) (Zarb-e-Kalim)
ḳhudī kā sirr-e-nihāñ lā-ilāha-illallāh
ḳhudī hai teġh fasāñ lā-ilāha-illallāh
ye daur apne barāhīm kī talāsh meñ hai
sanam-kada hai jahāñ lā-ilāha-illallāh
kiyā hai tū ne matā-e-ġhurūr kā saudā
fareb-e-sūd-o-ziyāñ lā-ilāha-illallāh
ye māl-o-daulat-e-duniyā ye rishta o paivand
butān-e-vahm-o-gumāñ lā-ilāha-illallāh
ḳhirad huī hai zamān o makāñ kī zunnārī
na hai zamāñ na makāñ lā-ilāha-illallāh
ye naġhma fasl-e-gul-o-lāla kā nahīñ pāband
bahār ho ki ḳhizāñ lā-ilāha-illallāh
agarche but haiñ jamā.at kī āstīnoñ meñ
mujhe hai hukm-e-azāñ lā-ilāha-illallāh
KHudi ka sirr-e-nihan la-ilaha-illallah
KHudi hai tegh fasan la-ilaha-illallah
ye daur apne barahim ki talash mein hai
sanam-kada hai jahan la-ilaha-illallah
kiya hai tu ne mata-e-ghurur ka sauda
fareb-e-sud-o-ziyan la-ilaha-illallah
ye mal-o-daulat-e-duniya ye rishta o paiwand
butan-e-wahm-o-guman la-ilaha-illallah
KHirad hui hai zaman o makan ki zunnari
na hai zaman na makan la-ilaha-illallah
ye naghma fasl-e-gul-o-lala ka nahin paband
bahaar ho ki KHizan la-ilaha-illallah
agarche but hain jamaat ki aastinon mein
mujhe hai hukm-e-azan la-ilaha-illallah
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
