mazdur aurten

vo jā rahī haiñ saroñ pe patthar

uThā.e mazdūr aurteñ kuchh

ye khurdure haath maile paañv

jamī haiñ hoñToñ pe papḌiyāñ sī

aur pasīne meñ haiñ sharābor

sulagtī dopahar meñ vo mil kar

ek dīvār chun rahī haiñ

hisār-e-sañgīñ banegā koī

ye dekh kar haal un kā mujh ko

ḳhayāl rah rah ke aa rahā hai

kahāñ haiñ vo marmarīñ sī bāheñ

vo gudgude haath narm-o-nāzuk

vo gesū-e-ambarīñ-o-mushkīñ

vo tīr-e-mizhgāñ kamān-e-abrū

vo la.al lab aur vo rū-e-zebā

vo nāznīñ aurteñ kahāñ haiñ

vo mah-jabīñ aurteñ kahāñ haiñ

vo jin kī tārīf karte karte

adīb-o-shā.ir nahīñ haiñ thakte

wo ja rahi hain saron pe patthar

uThae mazdur aurten kuchh

ye khurdure hath maile panw

jami hain honTon pe papDiyan si

aur pasine mein hain sharabor

sulagti dopahar mein wo mil kar

ek diwar chun rahi hain

hisar-e-sangin banega koi

ye dekh kar haal un ka mujh ko

KHayal rah rah ke aa raha hai

kahan hain wo marmarin si bahen

wo gudgude hath narm-o-nazuk

wo gesu-e-ambarin-o-mushkin

wo tir-e-mizhgan kaman-e-abru

wo lal lab aur wo ru-e-zeba

wo naznin aurten kahan hain

wo mah-jabin aurten kahan hain

wo jin ki tarif karte karte

adib-o-shair nahin hain thakte