daranti

chamak rahe haiñ darāñtī ke tez dandāne

ḳhamīda hal kī ye alhaḌ javān nūr-e-nazar

sunahrī fasl meñ jis vaqt ġhota-zan hogī

to ek giit chhiḌegā musalsal aur darāz

'nadīm' azal se hai taḳhlīq kā yahī andāz

sitāre bo.e ga.e āftāb kaaTe ga.e

ham āftāb zamīr-e-jahāñ meñ bo.eñ ge

to ek roz aziim inqalāb kāTeñge

koī batā.e zamīñ ke ijāra-dāroñ ko

bulā rahe haiñ jo guzrī huī bahāroñ ko

ki aaj bhī to usī shān-e-be-niyāzī se

chamak rahe haiñ darāñtī ke tez dandāne

sunahrī fasl tak us kī chamak nahīñ mauqūf

ki ab nizām-e-kohan bhī usī kī zad meñ hai

ḳhamīda hal kī ye alhaḌ javān nūr-e-nazar

jab is nizām meñ lahrā ke ġhota-zan hogī

to ek giit chhiḌegā musalsal aur darāz

'nadīm' azal se hai taḳhlīq kā yahī andāz

sitāre bo.e ga.e āftāb kaaTe ga.e

chamak rahe hain daranti ke tez dandane

KHamida hal ki ye alhaD jawan nur-e-nazar

sunahri fasl mein jis waqt ghota-zan hogi

to ek git chhiDega musalsal aur daraaz

'nadim' azal se hai taKHliq ka yahi andaz

sitare boe gae aaftab kaTe gae

hum aaftab zamir-e-jahan mein boen ge

to ek roz azim inqalab kaTenge

koi batae zamin ke ijara-daron ko

bula rahe hain jo guzri hui bahaaron ko

ki aaj bhi to usi shan-e-be-niyazi se

chamak rahe hain daranti ke tez dandane

sunahri fasl tak us ki chamak nahin mauquf

ki ab nizam-e-kohan bhi usi ki zad mein hai

KHamida hal ki ye alhaD jawan nur-e-nazar

jab is nizam mein lahra ke ghota-zan hogi

to ek git chhiDega musalsal aur daraaz

'nadim' azal se hai taKHliq ka yahi andaz

sitare boe gae aaftab kaTe gae