lahu ka KHiraj

zard hāthoñ par kaalī lakīreñ phail rahī haiñ

dil ke nihāl par jazboñ ke panchhī kaalī añdherī rātoñ meñ naach naach

ke thak jaate haiñ

aañkh kināre aa ga.ī kaa.ī baḌhtī hai

raushan sub.hoñ kī āvāzeñ bebas chīḳhoñ ko kaise rokeñ

har din apne hone kī pahchān meñ gum-sum sharminda

konoñ meñ muñh ko chhupā.e rotā hai

kis kī aas meñ ThanDī purvā āñgan āñgan ghuum rahī hai

palkeñ poñchho

varna har ek aahaT apne chehre par ḳhushiyoñ ko sajā.e ham ko lūTne

aa.egī

ham phir fāhisha aas ke ghuñgrū kī har taal par jī uTheñge

haule haule palkeñ khole darvāze se jhāñkeñge

ik pal sukh kā lamha

ham se saarī umroñ saarī ghaḌiyoñ kā lahū nichoḌegā

ham ko ḳhuun thukvā.egā

zard hathon par kali lakiren phail rahi hain

dil ke nihaal par jazbon ke panchhi kali andheri raaton mein nach nach

ke thak jate hain

aankh kinare aa gai kai baDhti hai

raushan subhon ki aawazen bebas chiKHon ko kaise roken

har din apne hone ki pahchan mein gum-sum sharminda

konon mein munh ko chhupae rota hai

kis ki aas mein ThanDi purwa aangan aangan ghum rahi hai

palken ponchho

warna har ek aahaT apne chehre par KHushiyon ko sajae hum ko luTne

aaegi

hum phir fahisha aas ke ghungru ki har tal par ji uThenge

haule haule palken khole darwaze se jhankenge

ek pal sukh ka lamha

hum se sari umron sari ghaDiyon ka lahu nichoDega

hum ko KHun thukwaega