lamha-e-ruKHsat

kuchh sunñe kī ḳhvāhish kānoñ ko kuchh kahne kā armāñ ā.ankhoñ meñ

gardan meñ hamā.il hone kī betāb tamannā bāñhoñ meñ

mushtāq nigāhoñ kī zad se nazroñ kā hayā se jhuk jaanā

ik shauq-e-ham-āġhoshī pinhāñ in nīchī bhīgī palkoñ meñ

shāne pe pareshāñ hone ko bechain siyah kākul kī ghaTā

vārafta nigāhoñ se paidā hai ek adā-e-zuleḳhā.ī

andāz-e-taġhāful tevar se rusvā.ī kā sāmāñ ā.ankhoñ meñ

furqat kī bhayānak rātoñ kā rañgīn tasavvur meñ aanā

ifshā-e-haqīqat ke Dar se hañs dene kī koshish hoñToñ meñ

aañsū kā Dhalak kar rah jaanā ḳhūñ-gashta diloñ kā nazrāna

takmīl-e-vafā kā afsāna kah jaanā ā.ankhoñ ā.ankhoñ meñ

kuchh sunne ki KHwahish kanon ko kuchh kahne ka arman aaankhon mein

gardan mein hamail hone ki betab tamanna banhon mein

mushtaq nigahon ki zad se nazron ka haya se jhuk jaana

ek shauq-e-ham-aghoshi pinhan in nichi bhigi palkon mein

shane pe pareshan hone ko bechain siyah kakul ki ghaTa

warafta nigahon se paida hai ek ada-e-zuleKHai

andaz-e-taghaful tewar se ruswai ka saman aaankhon mein

furqat ki bhayanak raaton ka rangin tasawwur mein aana

ifsha-e-haqiqat ke Dar se hans dene ki koshish honTon mein

aansu ka Dhalak kar rah jaana KHun-gashta dilon ka nazrana

takmil-e-wafa ka afsana kah jaana aaankhon aaankhon mein