lekin

ab ḳhudā ko bhī zarā ārām karnā chāhiye

ik zamāne se musalsal kar rahā hai

tiin shifteñ

aur duniyā-bhar ke tyauhāroñ pe bhī

mil nahīñ paa.ī kabhī ruḳhsat use

haftā-vārī ya.anī vo jo the and pe ek chhuTTī

saarī duniyā meñ hī dī jaatī hai ab

us kī vo chhuTTī azal se band hai

saiñkaḌoñ bīmāriyoñ meñ

kaam karte hī use paayā hai maiñ ne

na to beTā hai kisī kā aur na baap

koī risht-e-dār bhī us kā nahīñ

love-affair yā kisī shādī kā koī zikr bhī aayā nahīñ

phir bhī us ko ek ḳhilqat

ek baap

par ye aisā baap hai

beTe ko maslūb hone se bachā paayā nahīñ

na to aatā hai na jaatā hai kahīñ

is liye sālāna ruḳhsat bhī nahīñ miltī use

yuuñ bhī būḌhā ho chukā hai

kaam us se le liye jaa.eñ to ik din

boriyat ke bojh meñ dab kar kahīñ mar jā.egā

ab KHuda ko bhi zara aaram karna chahiye

ek zamane se musalsal kar raha hai

tin shiften

aur duniya-bhar ke tyauhaaron pe bhi

mil nahin pai kabhi ruKHsat use

hafta-wari yani wo jo the and pe ek chhuTTi

sari duniya mein hi di jati hai ab

us ki wo chhuTTi azal se band hai

sainkaDon bimariyon mein

kaam karte hi use paya hai main ne

na to beTa hai kisi ka aur na bap

koi risht-e-dar bhi us ka nahin

lowe-affair ya kisi shadi ka koi zikr bhi aaya nahin

phir bhi us ko ek KHilqat

ek bap

par ye aisa bap hai

beTe ko maslub hone se bacha paya nahin

na to aata hai na jata hai kahin

is liye salana ruKHsat bhi nahin milti use

yun bhi buDha ho chuka hai

kaam us se le liye jaen to ek din

boriyat ke bojh mein dab kar kahin mar jaega