lekin

kaalī ainak lagā.e ghūmte rahnā sūraj meñ saḌkoñ par hoTaloñ meñ

theateroñ meñ masjidoñ meñ dukānoñ meñ railway platform par

bhaTiyār galiyoñ meñ shāmil honā bujhe bujhe chehroñ vaalī bhiiḌ meñ tākte rahnā

safed dīvāroñ ko akele lāya.anī hai sab kuchh aur jo dikhā.ī detā hai

vo nahīñ hai phir bhī dikhā.ī detā hai koī farq nahīñ paḌtā paañv haiñ jurābeñ

na hone se life aur Time na paḌhne se yahī kyā kam hai ki sub.h se

shaam tak jam.a karte haiñ lafzoñ ko radio sunte haiñ aur dekhte haiñ mire

hue kabūtar kī aañkh schōl se lauTte hue bachche sharāb kī jhiil meñ tairte

shikāre pachās se kam sher kī ġhazal nahīñ likhte firāq aaj bhī qabā.ilī

kamar se bāñdhe phirte haiñ chāleñ gaz kī shalvār kyā hotā hai naam se

yā sher kahne se yā din-bhar ūñghte rahne se yā kitābeñ sūñghne se

taash khelne kā maza hī aur hai ahamadabād ho yā lahore har jagah hotā hai

sūraj ghar baiThe gañgā hai bhaa.ī congress meñ phuuT paḌe yā saat

hazār insān maar diye jaa.eñ bhūke uThte haiñ har sub.h bistar se kisī ne

dekhe haiñ baiket aur picasso kabaDDī ke maidān meñ yā gambarsong ko

istirī karte hue nickson se le kar murār-jī tak koī bhī rok na sakā

chhīñk aur khāñsī ab āñkheñ khol dījiye hazrat dekhiye puurā

america chhīñk rahā hai khāñs rahā hai idhar dekhiye ye hindostān

bhī chhī.k rahā hai khāñs rahā hai khāñs rahā hai chhī.k rahā hai

kahāñ se shurūa huī hai tārīḳh aur kahāñ jā kar ruknā hai logoñ ko

udaas rahtī haiñ hāmila aurteñ bas aur cinema kī qatār meñ gher rakkhī hai

zamīn bhikāriyoñ ne aur mañgāo charas aur gāñjā phir bhī alag karnā mushkil

hai purānī ko new-delhi se lāshoñ ko dekh kar mahfūz nahīñ hote tum kaise

aadmī ho kahāñ ga.iiñ vo tavā.ifeñ kahāñ ga.e vo qavvāl ma.anī to har lafz

meñ maujūd hai lekin

kali ainak lagae ghumte rahna suraj mein saDkon par hoTalon mein

theateron mein masjidon mein dukanon mein railway platform par

bhaTiyar galiyon mein shamil hona bujhe bujhe chehron wali bhiD mein takte rahna

safed diwaron ko akele layani hai sab kuchh aur jo dikhai deta hai

wo nahin hai phir bhi dikhai deta hai koi farq nahin paDta panw hain juraben

na hone se life aur Time na paDhne se yahi kya kam hai ki subh se

sham tak jama karte hain lafzon ko radio sunte hain aur dekhte hain mere

hue kabutar ki aankh school se lauTte hue bachche sharab ki jhil mein tairte

shikare pachas se kam sher ki ghazal nahin likhte firaq aaj bhi qabaili

kamar se bandhe phirte hain chaalen gaz ki shalwar kya hota hai nam se

ya sher kahne se ya din-bhar unghte rahne se ya kitaben sunghne se

tash khelne ka maza hi aur hai ahamadabaad ho ya lahore har jagah hota hai

suraj ghar baiThe ganga hai bhai congress mein phuT paDe ya sat

hazar insan mar diye jaen bhuke uThte hain har subh bistar se kisi ne

dekhe hain baiket aur picasso kabaDDi ke maidan mein ya gambarsong ko

istiri karte hue nickson se le kar murar-ji tak koi bhi rok na saka

chhink aur khansi ab aankhen khol dijiye hazrat dekhiye pura

america chhink raha hai khans raha hai idhar dekhiye ye hindostan

bhi chhik raha hai khans raha hai khans raha hai chhik raha hai

kahan se shurua hui hai tariKH aur kahan ja kar rukna hai logon ko

udas rahti hain hamila aurten bas aur cinema ki qatar mein gher rakkhi hai

zamin bhikariyon ne aur mangao charas aur ganja phir bhi alag karna mushkil

hai purani ko new-delhi se lashon ko dekh kar mahfuz nahin hote tum kaise

aadmi ho kahan gain wo tawaifen kahan gae wo qawwal mani to har lafz

mein maujud hai lekin