loop
vaqt kyā hai kisī shai ke hone se le kar na hone talak kā vo daurāniya hai
jis meñ vo apne hone na hone kā ehsās bhī
go kisī shakl meñ ho karātī rahe
umr kyā hai faqat chand zarrāt kā
ek muddat talak ek hī shakl meñ
ek duuje se lipTe hue vaqt ko kāTnā
umr insān kī sau baras kuchh ziyāda huī
umr sattar arab saal bhī
ik sitāre kā kuchh bhī nahīñ
jism kyā hai
vahī chand zarrāt kī ek shakl
jaise maiñ
jaise tū
vaqt ik loop hai
jis meñ zarrāt gardish meñ haiñ
jaise maiñ aur tū ek insānī shakl
ain mumkin hai kuchh sau arab saal baad
kuchh mire jism ke kuchh tire jism ke chand zarrāt mil kar koī shakl leñ
ab maiñ ḳhush huuñ ki kuchh sau arab saal baad
apne milne kā koī to imkān hai
waqt kya hai kisi shai ke hone se le kar na hone talak ka wo dauraniya hai
jis mein wo apne hone na hone ka ehsas bhi
go kisi shakl mein ho karaati rahe
umr kya hai faqat chand zarraat ka
ek muddat talak ek hi shakl mein
ek duje se lipTe hue waqt ko kaTna
umr insan ki sau baras kuchh ziyaada hui
umr sattar arab sal bhi
ek sitare ka kuchh bhi nahin
jism kya hai
wahi chand zarraat ki ek shakl
jaise main
jaise tu
waqt ek loop hai
jis mein zarraat gardish mein hain
jaise main aur tu ek insani shakl
ain mumkin hai kuchh sau arab sal baad
kuchh mere jism ke kuchh tere jism ke chand zarraat mil kar koi shakl len
ab main KHush hun ki kuchh sau arab sal baad
apne milne ka koi to imkan hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
