lowe

pāgal laḌkī

dīvāroñ ko gāliyāñ detī hai

aur thuuk detī hai

aa.ine par

havā kī taraf pheñktī hai apne gulābī juute

aur band hone vaalī āñkhoñ par

pher detī hai nīl-polish

por pe safety pin lagātī hai

aur

surḳh lipstick se milā kar dekhtī hai

bārīk sī dhaar kī ḳhūnī rañgat

tumhārā zehnī tavāzun bigaḌ chukā hai?

tum uñgliyoñ ke bajā.e

keyboard chabāne vaalī laḌkī se mohabbat karte ho

jo khāñstī hai to

us ke halaq se girne lagte haiñ

s

i

d

r

aur

a ke pichke hue letters

vo keyboard uThā kar pheñktī hai

paanī se bhare hue tub meñ

aur paanī surḳh ho jaatā hai

vahshī laḌkī baal nochtī hai

aur

buland-o-bāñg qahqahe lagātī hai

tum ro paḌte ho

vo aur zor se hañstī hai

aur hañstī hī chalī jaatī hai

pagal laDki

diwaron ko galiyan deti hai

aur thuk deti hai

aaine par

hawa ki taraf phenkti hai apne gulabi jute

aur band hone wali aankhon par

pher deti hai nil-polish

por pe safety pin lagati hai

aur

surKH lipstick se mila kar dekhti hai

barik si dhaar ki KHuni rangat

tumhaara zehni tawazun bigaD chuka hai?

tum ungliyon ke bajae

keyboard chabane wali laDki se mohabbat karte ho

jo khansti hai to

us ke halaq se girne lagte hain

s

i

d

r

aur

a ke pichke hue letters

wo keyboard uTha kar phenkti hai

pani se bhare hue tub mein

aur pani surKH ho jata hai

wahshi laDki baal nochti hai

aur

buland-o-bang qahqahe lagati hai

tum ro paDte ho

wo aur zor se hansti hai

aur hansti hi chali jati hai