man

chāhatoñ kā dariyā maañ

aur ḳhud hai tishna maañ

zer-e-pā tire jannat

azmatoñ kī duniyā maañ

zahmatoñ kī nagrī meñ

rahmatoñ kā saayā maañ

dukh ke saḳht jangal meñ

sukh kā narm gosha maañ

ḳhār-zār bastī meñ

phuul kā do-shāla maañ

talḳhiyoñ ke mausam meñ

pyaar kā batāshā maañ

hai dulā.ī sapnoñ kī

niiñd kā bichhaunā maañ

hai kitāb shafqat kī

harf hai duā kā maañ

titliyoñ kā bachpan hai

phuul sā hai chehrā maañ

chup hai saare dukh sah kar

sabr kā namūna maañ

baḳhsh de ḳhatā merī

maiñ huuñ terā beTā maañ

yaad aa gayā bachpan

merā ruuTh jaanā maañ

aur phir mohabbat se

vo tirā manānā maañ

maañ 'nazīr' maañ hai bas

achchhī aur burī kyā maañ

chahaton ka dariya man

aur KHud hai tishna man

zer-e-pa tere jannat

azmaton ki duniya man

zahmaton ki nagri mein

rahmaton ka saya man

dukh ke saKHt jangal mein

sukh ka narm gosha man

KHar-zar basti mein

phul ka do-shaala man

talKHiyon ke mausam mein

pyar ka batasha man

hai dulai sapnon ki

nind ka bichhauna man

hai kitab shafqat ki

harf hai dua ka man

titliyon ka bachpan hai

phul sa hai chehra man

chup hai sare dukh sah kar

sabr ka namuna man

baKHsh de KHata meri

main hun tera beTa man

yaad aa gaya bachpan

mera ruTh jaana man

aur phir mohabbat se

wo tera manana man

man 'nazir' man hai bas

achchhi aur buri kya man