man ka rutba

chhoTā sā ik bachcha huuñ maiñ

bāteñ bhī chhoTī haiñ merī

karnā chāhūñ ek vazāhat

batlā.ūñ maiñ ek haqīqat

masjid mandir maañ hotī hai

pyaar samundar maañ hotī hai

ik sarmāya maañ hotī hai

ThanDī chhāyā maañ hotī hai

ḳhud dukh sah kar sukh detī hai

haq kahtī hai sach kahtī hai

Dhaal kī sūrat vo rahtī hai

sab kuchh ḳhud hī vo sahtī hai

maañ kā pyaar mohabbat chāhat

har ik dil ko baḳhshe rāhat

maañ to ek nirālī daulat

maañ ke qadmoñ nīche jannat

jis ne maañ kā rutba jaanā

us ne rab ko hai pahchānā

maañ kā rishta jānñe vaale

azmat ko pahchānñe vaale

ġhaur se sun leñ merā kahnā

maañ hiirā hai maañ ik gahnā

rab ik ruup hai maañ mamtā kā

maañ meva hai is duniyā kā

chhoTa sa ek bachcha hun main

baaten bhi chhoTi hain meri

karna chahun ek wazahat

batlaun main ek haqiqat

masjid mandir man hoti hai

pyar samundar man hoti hai

ek sarmaya man hoti hai

ThanDi chhaya man hoti hai

KHud dukh sah kar sukh deti hai

haq kahti hai sach kahti hai

Dhaal ki surat wo rahti hai

sab kuchh KHud hi wo sahti hai

man ka pyar mohabbat chahat

har ek dil ko baKHshe rahat

man to ek nirali daulat

man ke qadmon niche jannat

jis ne man ka rutba jaana

us ne rab ko hai pahchana

man ka rishta jaanne wale

azmat ko pahchanne wale

ghaur se sun len mera kahna

man hira hai man ek gahna

rab ek rup hai man mamta ka

man mewa hai is duniya ka