man ki dua

tere dam se phir vatan vāloñ meñ paidā ho hayāt

panja-e-aġhyār se ho hind ko hāsil najāt

kaam aa jaa.e vatan kī raah meñ terā shabāb

ġhairateñ zindāniyoñ kī phir ulaT Dāleñ naqāb

tū badal Daale nizām-e-hind ke lail-o-nahār

ye ġhulām ābād ho āzād mulkoñ meñ shumār

āstīn-e-hind ho tere lahū se lāla-fām

pādshāhoñ kā laqab paane lageñ hindī ġhulām

haDDiyāñ pis kar baneñ ġhāza urūs-e-hind kā

husn phir ho jaa.e kuchh taaza urūs-e-hind kā

tere hoñToñ se ba-vaqt-e-marg ye nikle sadā

naujavānān-e-vatan aage baḌho aage zarā

tere dam se phir watan walon mein paida ho hayat

panja-e-aghyar se ho hind ko hasil najat

kaam aa jae watan ki rah mein tera shabab

ghairaten zindaniyon ki phir ulaT Dalen naqab

tu badal Dale nizam-e-hind ke lail-o-nahaar

ye ghulam aabaad ho aazad mulkon mein shumar

aastin-e-hind ho tere lahu se lala-fam

padshahon ka laqab pane lagen hindi ghulam

haDDiyan pis kar banen ghaza urus-e-hind ka

husn phir ho jae kuchh taza urus-e-hind ka

tere honTon se ba-waqt-e-marg ye nikle sada

naujawanan-e-watan aage baDho aage zara