maro na hamein daddy

maaro na hameñ daddy bachpan kā zamāna hai

mausam hai ye hañsne kā hañs hañs ke bitānā hai

chhoTe se ye bachche haiñ aur itnī baḌī lakḌī

shaitān kī ye ḳhāla hāthoñ meñ hai kyuuñ pakḌī

ik din isī lakḌī ko chūlhe meñ jalānā hai

maaro na hameñ daddy bachpan kā zamāna hai

sofoñ pe agar nācheñ daddy hameñ mat roko

kuchh apnī bhī izzat hai har baat pe mat Toko

vo aap kī kursī hai ye apnā Thikānā hai

maaro na hameñ daddy bachpan kā zamāna hai

barsāt meñ nadiyā kī saireñ hameñ karne do

gar Duub ke marte haiñ daddy hameñ marne do

is duniyā se tan aa.e us duniyā ko jaanā hai

maaro na hameñ daddy bachpan kā zamāna hai

tum bhī kabhī bachche the schōl se bhāge the

kahte haiñ sharārat meñ shaitāñ se bhī aage the

ham aap ke bachche haiñ aur aap pe jaanā hai

maaro na hameñ daddy bachpan kā zamāna hai

maro na hamein daddy bachpan ka zamana hai

mausam hai ye hansne ka hans hans ke bitana hai

chhoTe se ye bachche hain aur itni baDi lakDi

shaitan ki ye KHala hathon mein hai kyun pakDi

ek din isi lakDi ko chulhe mein jalana hai

maro na hamein daddy bachpan ka zamana hai

sofon pe agar nachen daddy hamein mat roko

kuchh apni bhi izzat hai har baat pe mat Toko

wo aap ki kursi hai ye apna Thikana hai

maro na hamein daddy bachpan ka zamana hai

barsat mein nadiya ki sairen hamein karne do

gar Dub ke marte hain daddy hamein marne do

is duniya se tan aae us duniya ko jaana hai

maro na hamein daddy bachpan ka zamana hai

tum bhi kabhi bachche the school se bhage the

kahte hain shararat mein shaitan se bhi aage the

hum aap ke bachche hain aur aap pe jaana hai

maro na hamein daddy bachpan ka zamana hai