masum si guDiya

vo ik ma.asūm sī nannhī sī guḌiyā

jise haivāniyat ne noch Daalā

darindo sharm tum ko kyuuñ na aa.ī

tumhāre ghar bhī hogī maañ kī jaa.ī

use sharmindagī mahsūs hogī

darinda jis kā tum jaisā hai bhaa.ī

tumhāre janm par dhikkār nīcho

paḌe tum par ḳhudā kī maar nīcho

jo tum ne vahshī-pan kā khel khelā

kisī ma.asūm ne ye kaise jhelā

gadhoñ kī tarah us ko noch Daalā

havas ne kar liyā muñh apnā kaalā

banā kar maut kā us ko nivāla

koī mazlūm ko na yuuñ satā.e

kisī par bhī na aisā vaqt aa.e

huā hai zulm vo ma.asūmiyat par

sune to aatmā bhī kaañp jaa.e

hamārī bachchiyoñ ko to ḳhudā hī

havas ke in darindoñ se bachā.e

wo ek masum si nannhi si guDiya

jise haiwaniyat ne noch Dala

darindo sharm tum ko kyun na aai

tumhaare ghar bhi hogi man ki jai

use sharmindagi mahsus hogi

darinda jis ka tum jaisa hai bhai

tumhaare janm par dhikkar nicho

paDe tum par KHuda ki mar nicho

jo tum ne wahshi-pan ka khel khela

kisi masum ne ye kaise jhela

gadhon ki tarah us ko noch Dala

hawas ne kar liya munh apna kala

bana kar maut ka us ko niwala

koi mazlum ko na yun satae

kisi par bhi na aisa waqt aae

hua hai zulm wo masumiyat par

sune to aatma bhi kanp jae

hamari bachchiyon ko to KHuda hi

hawas ke in darindon se bachae