mathe ka jhumar

shahnā.ī bajātā huā ik nanhā sā machchhar

pahuñchā kisī maidān meñ naale se nikal kar

maidān meñ kuchh der bhaTaktā rahā machchhar

kuchh kaam nahīñ thā to maTaktā rahā machchhar

mausūf ne ik bail ko baiThā huā paayā

tab dil meñ savārī kā zarā shauq samāyā

ārām se vo baiTh gayā siiñg ke uupar

phir apne ḳhayālāt meñ gum ho gayā machchhar

do ghanTe guzar jaane pe mausūf ne sochā

is bail ko be-jurm-o-ḳhatā maiñ ne dabochā

ye bail pichak jā.egā sochā nahīñ maiñ ne

ab kuchlā gayā piisā gayā mere badan se

ye dabtā rahā surma banā TuuTī qayāmat

lekin koī shikva na kiyā vaah sharāfat

shahnai bajata hua ek nanha sa machchhar

pahuncha kisi maidan mein nale se nikal kar

maidan mein kuchh der bhaTakta raha machchhar

kuchh kaam nahin tha to maTakta raha machchhar

mausuf ne ek bail ko baiTha hua paya

tab dil mein sawari ka zara shauq samaya

aaram se wo baiTh gaya sing ke upar

phir apne KHayalat mein gum ho gaya machchhar

do ghanTe guzar jaane pe mausuf ne socha

is bail ko be-jurm-o-KHata main ne dabocha

ye bail pichak jaega socha nahin main ne

ab kuchla gaya pisa gaya mere badan se

ye dabta raha surma bana TuTi qayamat

lekin koi shikwa na kiya wah sharafat