mazi se hamein kya lena

dil kā nagar tanhā.ī-zada hai jis meñ

faqat maiñ jaag rahā huuñ

vaqt ke sab lamhoñ kī kahānī aur saarī rūdād

ek yahī bas ujḌī duniyā

ek yahī bas dil

sadiyoñ purāne vaqt kī yādeñ haiñ anmol-ratan

har bastī thī amn kī bastī har qarye meñ sukh

sāñsoñ meñ ḳhushbueñ thiiñ

rūhoñ meñ kaif surūr

ik-dūje ke sukh kā sahārā

sonā ugaltī dhartī pe baste log

pavitra log purāne

vaqt kī yādeñ raushan haiñ chamkīlī haiñ

haal se un kā rabt nahīñ hai

aaj hamārī har bastī meñ amn-o-sukūñ kī dhuum machī hai

kitnī nangī tīkhī chaTāneñ raste rok rahī haiñ

kitne dahke gahre gulḳhan

jin kī tahoñ meñ sabz ghane peḌoñ ke patte paḌe hue haiñ

shādābī ke dushman raushan maskan

jin kī chhatoñ par laal zamurrad aur hiire ke haar saje haiñ

amn se aarī tanhā.ī kī kaalī maujeñ

har manzar par chhā.ī haiñ

maiñ bhī tanhā tum bhī tanhā tanhā saare log

yahāñ sannāTe haiñ ki bol rahe haiñ

tum jo kabhī vīrān galī meñ

apne makān ke khulte darīchoñ se jhāñkte ho to

tanhā.ī ke sāgar kā hī shor sunā.ī detā hai

dil kā nagar tanhā.ī-zada hai

jis meñ tum hī jaag rahe ho

jis meñ sab hī jaag rahe haiñ haiñ

jis meñ faqat maiñ jaag rahā huuñ

dil ka nagar tanhai-zada hai jis mein

faqat main jag raha hun

waqt ke sab lamhon ki kahani aur sari rudad

ek yahi bas ujDi duniya

ek yahi bas dil

sadiyon purane waqt ki yaaden hain anmol-ratan

har basti thi amn ki basti har qarye mein sukh

sanson mein KHushbuen thin

ruhon mein kaif surur

ik-duje ke sukh ka sahaara

sona ugalti dharti pe baste log

pawitra log purane

waqt ki yaaden raushan hain chamkili hain

haal se un ka rabt nahin hai

aaj hamari har basti mein amn-o-sukun ki dhum machi hai

kitni nangi tikhi chaTanen raste rok rahi hain

kitne dahke gahre gulKHan

jin ki tahon mein sabz ghane peDon ke patte paDe hue hain

shadabi ke dushman raushan maskan

jin ki chhaton par lal zamurrad aur hire ke haar saje hain

amn se aari tanhai ki kali maujen

har manzar par chhai hain

main bhi tanha tum bhi tanha tanha sare log

yahan sannaTe hain ki bol rahe hain

tum jo kabhi viran gali mein

apne makan ke khulte darichon se jhankte ho to

tanhai ke sagar ka hi shor sunai deta hai

dil ka nagar tanhai-zada hai

jis mein tum hi jag rahe ho

jis mein sab hi jag rahe hain hain

jis mein faqat main jag raha hun