mazur bachche

bachche haiñ ham la.al-o-gohar

kyā haiñ hamārī azmateñ

ham bā-salīqa bā-hunar

ma.azūr ham ko mat kaho

raushan haiñ mānind-e-qamar

majbūr ham ko mat kaho

har dam bulandī par nazar

ḳhurshīd ham mahtāb ham

ma.azūr ham ko mat kaho

shā.ista-e-ādāb ham

majbūr ham ko mat kaho

ḳhidmat kā raushan baab ham

saada zabāñ shīrīñ-suḳhan

andar se haiñ shādāb ham

ham haiñ umīdoñ kī kiran

ma.azūr ham ko mat kaho

ham phuul ham jān-e-chaman

majbūr ham ko mat kaho

ham zindagī kā bāñkpan

ham āsmāñ par chhā.eñge

ma.azūr ham ko mat kaho

ham raushnī phailā.eñge

majbūr ham ko mat kaho

aur kahkashāñ ban jā.eñge

jis din hamārī mehnateñ

duniyā meñ izzat pā.eñgī

us din khuleñgī qismateñ

ma.azūr ham ko mat kaho

deñgī jahāñ ko ne.amateñ

majbūr ham ko mat kaho

bachche hain hum lal-o-gohar

kya hain hamari azmaten

hum ba-saliqa ba-hunar

mazur hum ko mat kaho

raushan hain manind-e-qamar

majbur hum ko mat kaho

har dam bulandi par nazar

KHurshid hum mahtab hum

mazur hum ko mat kaho

shaista-e-adab hum

majbur hum ko mat kaho

KHidmat ka raushan bab hum

sada zaban shirin-suKHan

andar se hain shadab hum

hum hain umidon ki kiran

mazur hum ko mat kaho

hum phul hum jaan-e-chaman

majbur hum ko mat kaho

hum zindagi ka bankpan

hum aasman par chhaenge

mazur hum ko mat kaho

hum raushni phailaenge

majbur hum ko mat kaho

aur kahkashan ban jaenge

jis din hamari mehnaten

duniya mein izzat paengi

us din khulengi qismaten

mazur hum ko mat kaho

dengi jahan ko neamaten

majbur hum ko mat kaho