madam

zulf kī chhāñv meñ aariz kī tab-o-tāb liye

lab pe afsūñ liye āñkhoñ meñ mai-e-nāb liye

har nafas rau meñ liye sorish-e-tuġhyān-e-nihāñ

har nazar shauq kā afsāna-e-b-tāb liye

sehr o ejaaz liye jumbish-e-mizhgān-e-darāz

ḳhanda-e-shoKh jamāl-e-dur-e-ḳhush-āb liye

zau-fagan rū-e-hasīñ par shab-e-mahtāb-e-shabāb

chashm-e-maḳhmūr nashāt-e-shab-e-mahtāb liye

nashsha-e-nāz javānī meñ sharābor adā

jism zauq-e-guhar atlas-o-kamḳhvāb liye

zulf-e-shab-rañg liye sandal o uud o ambar

ḳham-e-abrū-e-hasīñ dair kī mehrāb liye

lab-e-gul-rañg-o-hasīñ jism gudāz-o-sīmīñ

shoḳhī-e-barq liye larzish-e-sīmāb liye

ek sayyād-e-ḳhush-andām svād-e-mashriq

zulf-e-bañgāl liye tal.at-e-punjab liye

nuzhat o naaz kā ik paikar-e-shādāb-o-hasīñ

nik.hat-o-nūr kā umDā huā sailāb liye

merī vāraftagī-e-shauq musallam lekin

kis kī āñkheñ haiñ zuleḳhā kā hasīñ ḳhvāb liye

zulf ki chhanw mein aariz ki tab-o-tab liye

lab pe afsun liye aankhon mein mai-e-nab liye

har nafas rau mein liye sorish-e-tughyan-e-nihan

har nazar shauq ka afsana-e-b-tab liye

sehr o ejaz liye jumbish-e-mizhgan-e-daraaz

KHanda-e-shoKh jamal-e-dur-e-KHush-ab liye

zau-fagan ru-e-hasin par shab-e-mahtab-e-shabab

chashm-e-maKHmur nashat-e-shab-e-mahtab liye

nashsha-e-naz jawani mein sharabor ada

jism zauq-e-guhar atlas-o-kamKHwab liye

zulf-e-shab-rang liye sandal o ud o ambar

KHam-e-abru-e-hasin dair ki mehrab liye

lab-e-gul-rang-o-hasin jism gudaz-o-simin

shoKHi-e-barq liye larzish-e-simab liye

ek sayyaad-e-KHush-andam swad-e-mashriq

zulf-e-bangal liye talat-e-punjab liye

nuzhat o naz ka ek paikar-e-shadab-o-hasin

nikhat-o-nur ka umDa hua sailab liye

meri waraftagi-e-shauq musallam lekin

kis ki aankhen hain zuleKHa ka hasin KHwab liye