aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

madrasa ali-gaDh

Akbar Allahabadi

madrasa ali-gaDh

Akbar Allahabadi

MORE BYAkbar Allahabadi

    ḳhudā alī-gaḌh ke madrase ko tamām amrāz se shifā de

    bhare hue haiñ raīs-zāde amīr-zāde sharīf-zāde

    latīf o ḳhush-vaz.a chust o chālāk o saaf o pākīza shād-o-ḳhurram

    tabī.atoñ meñ hai in jaudat diloñ meñ in ke haiñ nek irāde

    kamāl-e-mehnat se paḌh rahe haiñ kamāl-e-ġhairat se paḌh rahe haiñ

    savār mashriq raah meñ haiñ to maġhribī raah meñ piyāde

    har ik hai in meñ be-shak aisā ki aap use chāhte haiñ jaisā

    dikhāve mahfil meñ qadd-e-ra.anā jo aap aa.eñ to sar jhukā de

    faqīr māñge to saaf kah deñ ki hai mazbūt kamā khā

    qubūl farmā.eñ aap dāvat to apnā sarmāya kul khilā de

    butoñ se in ko nahīñ lagāvaT misoñ lete nahīñ vo aahaT

    tamām quvvat hai sarf-e-ḳhvāndan nazar ke bhole haiñ dil ke saade

    nazar bhī aa.e jo zulf-e-pechāñ to samjheñ ye koī policy hai

    electric light us ko samjheñ jo barq-vash koī kuude

    nikalte haiñ kar ke ġhol-bandī ba-nām-e-tahzīb o dard-mandī

    ye kah ke lete haiñ sab se chande jo tum hameñ do tumheñ ḳhudā de

    unheñ isī baat par yaqīñ hai ki bas yahī asl kār-e-dīñ hai

    isī se hogā faroġh-e-qaumī isī se chamkeñge baap daade

    makān-e-college ke sab makīñ haiñ abhī unheñ tajrabe nahīñ haiñ

    ḳhabar nahīñ hai ki aage chal kar hai kaisī manzil haiñ kaise jaade

    diloñ meñ in ke haiñ nūr-e-īmāñ qavī nahīñ hai magar nigahbāñ

    havā-e-mantiq adā-e-tiflī ye sham.a aisā na ho bujhā de

    fareb de kar nikāle matlab sikhā.e tahqīr-e-dīn-o-mazhab

    miTā de āḳhir ko dīn-o-maz.hab numūd-e-zātī ko go baḌhā de

    yahī bas 'akbar' iltijā hai janāb baarī meñ ye duā hai

    uluum o hikmat dars in ko professor deñ samajh ḳhudā de

    KHuda ali-gaDh ke madrase ko tamam amraaz se shifa de

    bhare hue hain rais-zade amir-zade sharif-zade

    latif o KHush-waza chust o chaalak o saf o pakiza shad-o-KHurram

    tabiaton mein hai in ki jaudat dilon mein in ke hain nek irade

    kamal-e-mehnat se paDh rahe hain kamal-e-ghairat se paDh rahe hain

    sawar mashriq rah mein hain to maghribi rah mein piyaade

    har ek hai in mein ka be-shak aisa ki aap use chahte hain jaisa

    dikhawe mahfil mein qadd-e-rana jo aap aaen to sar jhuka de

    faqir mange to saf kah den ki tu hai mazbut ja kama kha

    qubul farmaen aap dawat to apna sarmaya kul khila de

    buton se in ko nahin lagawaT mison ki lete nahin wo aahaT

    tamam quwwat hai sarf-e-KHwandan nazar ke bhole hain dil ke sade

    nazar bhi aae jo zulf-e-pechan to samjhen ye koi policy hai

    electric light us ko samjhen jo barq-wash koi kude

    nikalte hain kar ke ghol-bandi ba-nam-e-tahzib o dard-mandi

    ye kah ke lete hain sab se chande jo tum hamein do tumhein KHuda de

    unhen isi baat par yaqin hai ki bas yahi asl kar-e-din hai

    isi se hoga farogh-e-qaumi isi se chamkenge bap dade

    makan-e-college ke sab makin hain abhi unhen tajrabe nahin hain

    KHabar nahin hai ki aage chal kar hai kaisi manzil hain kaise jade

    dilon mein in ke hain nur-e-iman qawi nahin hai magar nigahban

    hawa-e-mantiq ada-e-tifli ye shama aisa na ho bujha de

    fareb de kar nikale matlab sikhae tahqir-e-din-o-mazhab

    miTa de aaKHir ko din-o-mazhab numud-e-zati ko go baDha de

    yahi bas 'akbar' ki iltija hai janab bari mein ye dua hai

    ulum o hikmat ka dars in ko professor den samajh KHuda de

    Source:

    intekhab-e-sukhan (Pg. 62)

    • Author: Ibne Kanwal
      • Edition: 2005-2008
      • Publisher: Kitabi Duniya
      • Year of Publication: 2005-2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now