magar

maiñ hasīñ huuñ magar

is qadar bhī nahīñ

mujh ko mālūm hai

jāntī huuñ ki maiñ

tere alfāz kī

sab hai jādūgarī

tere alfāz ne

aur junūñ ne tire

apne sheroñ meñ kar ke bayāñ merā husn

dilkashī ko mirī

shā.irī ko mirī

ek pahchān dī

har zabāñ par mirā

tazkira hai'' magar

mujh ko sach sach batā

ai suḳhnavar mire

ai mire jādūgar

tere ash.ār ne

guftugū ne tirī

aur junūñ ne tire

mujh ko pahchān dī

merā charchā kiyā

yā zamāne meñ bas

mujh ko rusvā kiyā

main hasin hun magar

is qadar bhi nahin

mujh ko malum hai

jaanti hun ki main

tere alfaz ki

sab hai jadugari

tere alfaz ne

aur junun ne tere

apne sheron mein kar ke bayan mera husn

dilkashi ko meri

shairi ko meri

ek pahchan di

har zaban par mera

tazkira hai magar

mujh ko sach sach bata

ai suKHnawar mere

ai mere jadugar

tere ashaar ne

guftugu ne teri

aur junun ne tere

mujh ko pahchan di

mera charcha kiya

ya zamane mein bas

mujh ko ruswa kiya