mahatma gandhi

maqām-e-azmat-e-insāñ ko tū ne faash kiyā

jumūd-basta ġhulāmī ko pāsh-pāsh kiyā

hayāt-e-sub.h-e-mohabbat ke nuur meñ gum hai

ajiib chiiz tirā dil-kushā tabassum hai

ye jabr-o-qahr ke bande ye shor-o-shar ke ġhulām

na pā sakeñge tirī zindagī kī ramz-e-davām

diyā hai sulh-o-musāvāt kā sabaq tū ne

atā kiyā hai junūñ ko nayā ufuq tū ne

fanā-kade ko banāyā hai jannat-e-gul-posh

ravāñ-davāñ haiñ jahāñ nīl-o-gang dosh-ba-dosh

ye mo.ajiza hai tire zauq-e-tāza-kārī kā

ki sar-nigūñ hai far-o-fāl shahryārī kā

nahīñ hai tere sivā koī rāzdān-e-vatan

tujhī se fā.ez-e-manzil hai kārvān-e-vatan

vafā ke raag mohabbat kī aag le ke gayā

tū apne saath vatan kā suhāg le ke gayā

sitam se rūh-e-sadāqat kabhī na hāregī

nigāh-e-ishq tujhe tā-abad pukāregī

maqam-e-azmat-e-insan ko tu ne fash kiya

jumud-basta ghulami ko pash-pash kiya

hayat-e-subh-e-mohabbat ke nur mein gum hai

ajib chiz tera dil-kusha tabassum hai

ye jabr-o-qahr ke bande ye shor-o-shar ke ghulam

na pa sakenge teri zindagi ki ramz-e-dawam

diya hai sulh-o-musawat ka sabaq tu ne

ata kiya hai junun ko naya ufuq tu ne

fana-kade ko banaya hai jannat-e-gul-posh

rawan-dawan hain jahan nil-o-gang dosh-ba-dosh

ye moajiza hai tere zauq-e-taza-kari ka

ki sar-nigun hai far-o-fal shahryari ka

nahin hai tere siwa koi raazdan-e-watan

tujhi se faez-e-manzil hai karwan-e-watan

wafa ke rag mohabbat ki aag le ke gaya

tu apne sath watan ka suhag le ke gaya

sitam se ruh-e-sadaqat kabhi na haaregi

nigah-e-ishq tujhe ta-abad pukaregi