mahatma-gandhi

shab-e-asia ke añdhere meñ sar-e-rāh jis kī thī raushnī

vo gauhar kisī ne chhupā liyā vo diyā kisī ne bujhā diyā

jo shahīd-e-zauq-e-hayāt ho use kyuuñ kaho ki vo mar gayā

use yuuñ hī rahne do hashr tak ye janāza kis ne uThā diyā

tirī zindagī bhī charāġh thī terī garm-e-ġham bhī charāġh hai

kabhī ye charāġh jalā diyā kabhī vo charāġh jalā diyā

jise ziist se koī pyaar thā use zahr se sarokār thā

vahī ḳhāk-o-ḳhūñ meñ paḌā milā jise dard-e-dil ne mazā diyā

jise dushmanī pe ġhurūr thā use dostī se shikast dī

jo dhaḌak rahe the alag alag unheñ do diloñ ko milā diyā

jo na daaġh chehra miTā sake unheñ toḌnā hī thā aa.ina

jo ḳhazāna luuT sake nahīñ use rahzanoñ ne luTā diyā

vo hamesha ke liye chup hue magar ik jahāñ ko zabān do

vo hamesha ke liye so ga.e magar ik jahāñ ko jagā diyā

shab-e-asia ke andhere mein sar-e-rah jis ki thi raushni

wo gauhar kisi ne chhupa liya wo diya kisi ne bujha diya

jo shahid-e-zauq-e-hayat ho use kyun kaho ki wo mar gaya

use yun hi rahne do hashr tak ye janaza kis ne uTha diya

teri zindagi bhi charagh thi teri garm-e-gham bhi charagh hai

kabhi ye charagh jala diya kabhi wo charagh jala diya

jise zist se koi pyar tha use zahr se sarokar tha

wahi KHak-o-KHun mein paDa mila jise dard-e-dil ne maza diya

jise dushmani pe ghurur tha use dosti se shikast di

jo dhaDak rahe the alag alag unhen do dilon ko mila diya

jo na dagh chehra miTa sake unhen toDna hi tha aaina

jo KHazana luT sake nahin use rahzanon ne luTa diya

wo hamesha ke liye chup hue magar ek jahan ko zaban do

wo hamesha ke liye so gae magar ek jahan ko jaga diya