maharishi-swami-dayanand

om kā jhanDā fazāoñ meñ uḌātā aayā

use tahzīb kā sartāj banātā aayā

jis se har qaum kī taqdīr banā kartī hai

hameñ aḳhlāq kā vo dars sikhātā aayā

aatmā saaf huā kartī hai jin jazboñ se

mash.al-e-rāh unhī jazboñ ko banātā aayā

ham dayānand ko kahte haiñ payambar lekin

ḳhud ko vo qaum kā sevak hī batātā aayā

āriya-vart kā raushan-tarīñ mīnār thā vo

raushnī saare zamāne ko dikhātā aayā

qaum ko shuddhī kī ta.alīm kā unvāñ de kar

qaum ko ġhair ke panje se chhuḌātā aayā

bhā.ī-chāre se mohabbat se ravādārī se

qaum ko jiine kā andāz sikhātā aayā

apnī tahzīb jise log bhulā baiThe the

ved-mantar se vahī yaad dilātā aayā

shāstr aur ved ke mantar kā uchāran kar ke

ahd-e-māzī kā ik ā.īna dikhātā aayā

ghor añdhkār thā agyān kā jaarī har-sū

gyaan agyān ke antar ko miTātā aayā

kufr-o-bātil ke uḌe hāthoñ ke tote ai 'charḳh'

haq-parastī kā vo yuuñ Dañkā bajātā aayā

om ka jhanDa fazaon mein uData aaya

use tahzib ka sartaj banata aaya

jis se har qaum ki taqdir bana karti hai

hamein aKHlaq ka wo dars sikhata aaya

aatma saf hua karti hai jin jazbon se

mashal-e-rah unhi jazbon ko banata aaya

hum dayanand ko kahte hain payambar lekin

KHud ko wo qaum ka sewak hi batata aaya

aariya-wart ka raushan-tarin minar tha wo

raushni sare zamane ko dikhata aaya

qaum ko shuddhi ki talim ka unwan de kar

qaum ko ghair ke panje se chhuData aaya

bhai-chaare se mohabbat se rawadari se

qaum ko jine ka andaz sikhata aaya

apni tahzib jise log bhula baiThe the

wed-mantar se wahi yaad dilata aaya

shastr aur wed ke mantar ka uchaaran kar ke

ahd-e-mazi ka ek aaina dikhata aaya

ghor andhkar tha agyan ka jari har-su

gyan agyan ke antar ko miTata aaya

kufr-o-baatil ke uDe hathon ke tote ai 'charKH'

haq-parasti ka wo yun Danka bajata aaya